Ukrayna hewl da bi 38 balafirên bê mirov êrîşê Kirimê bike.
Li gor daxuyaniya Wezareta Parastinê yê Rûsyayê ev 38 balafirên bê mirov hatine rûxandin.
Her wiha Mudiriyeta Îstixbarata Ukraynayê ragihand ku keştiyeke bi navê Sergey Kotov a Rûsyayê hatiye armanc kirin û keştî xisarek dîtiye.
Ji hêleke din jî Ukrayna bangawaziyê xwe yê alîkariyê didomîne. Bo vê yekê bi welatên Ewropî û Amerîkayê re di nava danûstandinan de ye.
Mudirê Sereke ya Îstîxbaratê a girêdayî Wezareta Parastina Ukraynayê daxuyaniyeke nivîkî weşand.
Mudiriyeta Îstîxbaratê ragihand ku keştiyeke bi navê Sergey Kotov a Rûsyayê hatiye armanckirin.
Her wiha hat diyarkirin ku êrîş bi wesayetên deryayî ya bê mirov a bi navê Magura V5 pêk hatiye û di encama êrîşê de keştiyê Rûsî li aliyê çep û rastê xwe ve xisar dîtiye.
Rûsya: 38 balafirên bê mirov a Ukranî hat rûxandin
Wezareta Parastinê yê Rûsyayê derbarê êrîşên Ukraynayê ya li dijî Kirimê de daxuyaniyek parve kir.
Wezaretê ragihand ku 38 balafirên bê mirov a Ukranî êrîşî Kirimê kirin, hatine rûxandin.
Austin û Umerov rewşa şer li Ukraynayê nîqaş kirin
Li aliyê din ji hêla Pentagonê ve têkîldarî hevdîtina Wezîrê Parastinê yê Amerîkayê Lloyd Austin û Wezîrê Parastinê yê Ukranyanê Rustem Umerov daxuyaniyek hat dayîn.
Pentagornê diyar kir ku her du wezîr bi rêya telefonê axivîne û geşedanên dawî ya şerê Rûsya û Ukraynayê girtine dest.
Di daxuyaniyê de hat gotin ku Wezîr Austin li dijî êrîşên Rûsyayê piştgiriyê xwe bo Ukraynayê bidomînin.
Wezîrê Parastinê ya Ukraynayê Rustem Umerov jî li ser platforma medyaya civakî X’ê derbarê hevdîtinê de nivîsek parve kir.
Umerov anî ziman ku derbarê rewşa heyî ya qada şer de Austin agahdar kirine û hevdîtinek sûdwer pêk hatiye.
Olaf Scholz: Moşekên taurus bo Ukraynayê neşînin
Her wiha Serokwezîrê Almanyayê Olaf Scholz di daxuyaniyek xwe de diyar kir ku ji bo bikaranîna moşekan leşkerên Alman dikarin alîkar bibin, lê Ukrayna bi moşekên Taurus neyên bi çekkirin.
Almanya heta niha xwe ji şandina moşekên Taurus bo Ukraynayê ji metirsiya ku rasterast bi Rûsyayê re bikeve nav pevçûnan, xwe jê dûr xist.
Pirsgirêk roja Îniyê aloz bû dema ku medyaya Rûsî tomarek 38 deqeyî ya axaftinê belav kir ku tê de efserên Alman çekên ku ji bo Ukraynayê û êrîşa gengaz a Kîevê li ser pirekê li Kirimê nîqaş dikirin.
