Xebatên hilbijartinên xwecihî yên li Bakurê Kurdistanê û Tirkiyê êdî ber bi dawiyê ve diçin.
Di vê çarçoveyê de DEM Partî îro jî li gelek deveran bend û astengiyên polîsan nasnekirin û bi gel re civiyan.
Li aliyê din piştgiriya ji bo DEM Partî jî roj bi roj zêde dibe û bang tê kirin.
Partî û rêxistinên Kurdistanî yên di bin sîwana KNK’ê de piştgiriya xwe ragihand û bang li her kesî kir ku dengê xwe bidin namzetên DEM Partiyê.
Xebatên hilbijartinên şaredariyan yên li Bakurê Kurdistanê û Tirkiyê êdî ber bi dawiyê ve diçin.
31’ê Adarê wê gel biçin li ser sindoqan.
Lewra ev demeke dirêj Partiya Wekhevî û Demokrasiyê ya Gelan DEM Partî bê rawestan dixebite.
DEM Partî bend û astengiyan nas nake û xebatan didomîne
Di vê çarçoveyê de tax bi tax, gund bi gund û bajar bi bajar bi gel re hevdîtin û mitîngan pêktînin.
Şandeyên Dem Partî ji aliyê gel ve bi coşekî mezin tên pêşwazîkirin û peyamên xurt ên piştgiriyê didin.
Namzetên hevşaredaran ên Amedê xwestin li navçeya Rezanê gel û dikandaran ziyaret bikin.
Polîsên fasîşt bend danîn pêş wan û xwestin wan asteng bikin.
Lê namzetan û partiyiyan astengiya polîsan nasnekirin û bi dirûşmeya “Em ê bi berxwedanê bi ser bikevin” bend derbas kirin.
Namzetan anîn ziman ku ew ê di 31’ê Adarê de qeyûman bişînin malên wan.
Di heman çarçoveyê li navçeya Mêrdînîk a Erdexanê jî rêxistina DEM Partî mîtîng pêk anî.
Di mîtîngê de îşaret bi peyamên Newrozê hate kirin û hat gotin:
Gelê kurd di Newrozê de carek din nîşanî her kesî da ku ew tecrîdê qebûl nakin.
Êdî dem hatiye ku em vê tecrîdê bişkînin.
Her wiha li navçeya Bêgirî a Wanê jî mamzetên hevşeraderiyan bi gel re hatin cem hev.
Namzetên projeyên xwe parve kirin û anî ziman ku 31’ê Adarê ewê ji desthilatê hesap bipirsin.
Partî û rêxistinên kurdistanî piştgirî dan DEM Partiyê
Li aliyê din partî û rêxistinên Kurdistanî û demokratîk jî ji bo DEM Partî piştgiriya xwe radigînin.
Komîteya Dîplomasiya Hevbeş û Partiyên Siyasî yên Kurdistanê û Komîteya Karên Sedsala Peymana Lozanê bi daxuyaniyekê piştgirî dan.
Partî û rêxistinên Kurdistanî diyar kirin ku di hilbijartinên xwecihî yên 31’ê Adarê de ew piştgiriyê didin namzetên DEM Partiyê.
Her wiha bang li her kesî kirin ku dengê xwe bidin DEM Partiyê.
DEM Partî ji du baskan ve hevdîtinên bi gel re da destpêkirin
