Tecrîta ku berdewam dike li ser rewşa tenduristiya Rêber Apo ji bondor dike.
Li ser şert û mercên Girava Îmraliyê û bandora tecrîdê ya li ser tenduristiyê bijîşk Zekî Gul axivî û got:”Di warê tibê de ne rast e ku Abdullah Ocalan di girtîgehê de bê girtin”
Rêber Apo nêzî 25 sal in di bin şert û mercên giran de li Girtîgeha Tîpa F ya Ewlehiya Bilind a Îmraliyê tê girtin.
Serlêdanên hevdîtinê yên ji bo Rêber Apo ku ev nêzî 3 sal in tu agahî jê nayê girtin, tên redkirin.
Tecrîta ku berdewam dike li ser rewşa tenduristiya Rêber Apo jî bondor dike.
Li ser şert û mercên Girava Îmraliyê û bandora tecrîdê ya li ser tenduristiyê bijîşk Zekî Gul axivî.
Gul ku nêzî 30 salan li saziyên mafên mirovan maye û di şandeyên şopandinê yên girtîgehan ên serbixwe de cih girtiye û li gelek girtîgehan binpêkirinên mafan raçav kiriye, destnîşan kir ku ji bo kesekî di şert û mercên Girava Îmraliyê de “girtîbûn tecrîda li ser tecrîdê” ye.
Zekî Gul balkişand li ser mafê tendûristiyê û ev nirxandin kir:
“Mafê tenduristiyê yê wekhev, mafê her kesî ye.
Astengkirina şêwirandina bi bijîşkê xwe re binpêkirina mafan e.
Xwe ragirtina li wê giravê û xweragirtina di şert û mercên îzolasyonê de tiştekî mûcîzeyî ye.”
Zekî Gul: Divê heyetên serbixwe biçin îmraliyê
Doktor Zekî Gul destnîşan kir ku bi taybetî kesên di tecrîd û îzolasyonê de divê heyetên serbixwe biçin serdana wan bikin û got:
“Ev heyete divê ji otorîteyê serbixwe bin. Peymanên navneteweyî hene û Tirkiye jî endamê wan e.
Li gor van peymanan ‘ger destûra hevdîtina bi kesekî re neyê dayîn, ew îdiayên li wir hemû rast in.’ Yanî her îdia rast tên qebûlkirin.
Ji lew re eşkerekirina rastiyê tê astengkirin.
Pêşîgirtina li serdana cihekî û astengkirina xwegihandina wê, tê wateya ser hin tiştan tê nixumandin.
Lewma divê heyetên serbixwe yên navneteweyî yan jî neteweyî biçin wir.”
Zekî Gul: Ji bo civakeke bi tendurist divê em aştiyê biparêzin
Zekî Gul dibêje ji bo civakeke bi tendurist pêdivî bi parastina aştiyê heye û nirxanina xwe wiha bidîwî kir:
“Qada têkoşînê ya sereke ya ku tecrîd û îzolasyonê ji holê rake aştî ye.
Aştî, dijbera hemû tiştên ceberût e û jehrkujiya wan e.
Aştiyeke pozîtîf a mayinde, wê her tiştî çareser bike.”
“Tecrîda girankirî li ser Rêber Abdullah Ocalan derbasî sala 4’ê dibe”
