Berdevka YPJ’ê bi boneya salvegera damezirandina YPJ’ê ya 11’an, destnîşan kir ku pêwîstiya jinên Sûdan, Yemen, Lîbya, Xeza û Ukraynayê bi xwebirêxistinkirinê heye û got:”Em amade ne destkeftiyên xwe bi tevahî jinên cîhanê re parve bikin û sedsala 21’emîn bikin sedsala rizgariya jinan.”
Roja rojbûna Serok Apo ye.. di heman demê de salvegera 11’an a damezrandina Yekîneyên Parastina Jin (YPJ) ye.
Bi boneya rojê berdevka YPJ’ê Ruksen Mihemed ji ajansa hawarê re axivî.
Ruksen Mihemed di destpêkê de salvegera 11’an a damezirandina YPJ’ê û rojbûna Rêber Apo li şervanan, jinan û tevahî gelên azadîxwaz pîroz kir.
Ruksen Mihemed 4’ê Nîsanê ji bo YPJ’ê wek rojeke watedar pênasekir û got:
Berdevka YPJ’ê Ruksen Mihemed: 4’ê Nîsanê ji bo YPJ roja berxwedanê ye
“4’ê Nîsanê bi nirx û pir girîng e, ji ber ku rojbûna Rêber Abdullah Ocalan e ku felsefeya azadiya jinan pêşkêş kir û belav kir.
Li ser vî esasê YPJ’ê jî vê roja girîng, damezirandina xwe ragihand û rêya têkoşînê hilbijart, heta roja me ya îro li ser vê rêyê dimeşe. ”
Berdevka YPJ’ê anî ziman ku yekîne ji keçên vî gelî hat avakirin û di gelek êrişan re derbas bû û wiha pê de çû:
“Lê van êrişan bandor li berxwedan û xwesteka me ya naskirina jinan bi dîrok, nasname, derxistina rastiya jina azad a xwedî vîn û hebûnê, bandor nekir. Em bi berxwedana xwe hîn xurtir bûn.”
Roksen Mihemed: Guhertina hişmendî û pêşxistina aliyên fikrî û îdeolojîk
Ruksen Mihemed destnîşan kir ku ew li ser pêşxistina aliyê fikrî di zanîna dîrokê û jineolojiyê de jî xebitîn da ku jinan û gel ji hemû cûreyên êrişan biparêzin û got:
“Di şoreşan de pêwîst e mirovên azad û zana bên gihandin da ku bikevin rêya têkoşîna rastîn û armancan pêk bînin.
Roksen Mihemed: Pergala baviksalar hewl dide Jinên birêxistinkirî têk bibe
Ruksen Mihemed têkildarî êrişên li dijî jinan li Bakur û Rojhilatê Sûrî, Efxanistan, Xeza û seranserî cîhanê da zanîn ku pergalên baviksalar, di serî de dagirkeriya Tirk, hewl didin gel di şexsê jinan de têk bibin û ev tişt got:
“Ew jî ji ber ku dewleta Tirk a dagirker nas kiriye ku azadiya jinan bi azadiya civakê ve girêdayî ye, ji ber wê ji jinên azadîxwaz ditirsin.”
Ruksen Mihemed: Divê jinên welatên Ereban û Ewropayê xwe bi rêxistin bikin’
Ruksen diyar kir ku divê jinên Sûdan, Yemen, Lîbya, Xeza û Ukrayayê xwe wek jinên Bakur û Rojhilatê Sûrî rêxistin bikin û got:
“Hedefgirtina jinan li Efxanistan û Xezayê hedefgirtina me û tevahî jinan e.
Em jî amade ne destkeftiyên xwe bi tevahî jinên cîhanê re parve bikin û sedsala 21’emîn bikin sedsala rizgariya jinan.”