Li Bakurê Kurdistanê ji bo 4’ê Nîsanê gelek çalakî hatin li darxistin.
Malbat û dostên Rêbertî rojbûana wî li gundê Amara yê Rihayê li mala wî pîrozkirin.
Gelê kurd li Amedê jî hem serkeftina hilbijartinan hem jî rojbûna Rêber Apo pîroz kirin.
Her wiha piştî şahiya li Amedê 9 kes hatin binçavkirin.
Doh 4’ê Nîsanê Roja rojbûna Rêber Apo bû.
Bi vê boneyê li gelek bajarên Bakurê Kurdistanê ev roj bi coş hat pîrozkirin.
Malbat û dostên Rêbertî doh rojbûna wî ya 75’an li gundê Amara li mala wî pîrozkirin.
Mihemed Ocalan: Divê dewleta Tirk ji van kiryarên xwe şerm bike
Birayê wî Mehmet Ocalan di pîrozvahiyê de axivî û astengkirina ketina gund a girseyê ya ji aliyê leşkeran ve şermezar kir û got:
“Me her sal rojbûna serokê xwe li vir pîrozdikir.
Lê niha ji bo pîrozbahî neyê kirin her der girtine.
Ev tişt ti carî nayê qebûl kirin û divê dewlet ji van kiryarên xwe şerm bike.”
Meşa Amarayê: Dem dema azadiya Rêber Abdullah Ocalan e
Gelê Bakurê Kurdistanê jî tevî hemû astengiyan berê xwe dan gundê Amara yê û rojbûna Serokatî pîrozkirin.
Hevseroka Giştî ya DBP’ê, Hevserokê MED TUHAD-FED’ê, Berdevkê HDK’ê, parêzerên Buroya Hiqûqê ya Sedsalê û gelek nûnerên rêxistinên sivîl ên civakî jî beşdar bûn.
Omer Ocalan: Di serî de Rêber Apo divê em bibin dengê hemû girtiyan
Li wir Parlamenterê DEM Partiyê Omer Ocalan axivî û diyar kir gelê kurd 40 sal in xwedî li serokê xwe derdikevin.
Her wiha Omer Ocalan balkişand ser çalakiya dîlgirtiyên li zindanan û got:
“Di serî de Rêber Apo divê em bibin dengê hemû girtiyan.”
Li Amedê Rojbûna Abdullah Ocalan hat pîrozkirin
Yek ji wan bajarên ku 4’ê Nîsanê lê hat pîrozkirin Amed e…
Li wir DEM PArtî, li ber avahiya bajêr serketina di hilbijartinên 31’ê Adarê de pîroz kir.
Di şahiyê de hevşaredara Şaredariya Bajarê Mezin a Amedê Serra Bûcak axivî.
“Gel di hilbijartinan de bersiva desthilatê da”
Seraa Bûcakê anî ziman ku gel ji Amedê heta Êlihê, ji Êlihê heta Colemêrgê, ji Colemêrgê heta Wanê bersiv daye vê desthilatê.
Paşê Hevşaredarê Şaredariya Bajarê Mezin a Amedê Dogan Hatûn axivî û ev tişt anî ziman:
Xwestin li Wanê careke din vînekê tayin bikin, lê gelê Wanê li ber xwe da. Hezar silav li wan.”
Piştî pîrozbahiya li Amedê 9 kes hatin binçavkirin
Piştî ku şahiya Amedê bi coşeke mezin derbas bû, polîsan gelek kes binçav kirin.
Endamên Meclisa Partiya DBP Elîf Turan, Bariş Ekîncî û Hunermend Adil Arslan jî di nav de 9 kes hatin binçavkirin.
Platforma Ekolojiyê 75 dar bi boneya 4’ê Nîsan li hemû navçeyan belav kir
