Li Rojhilata Navîn rageşî zêde dibe. Îsraîl û Îran di van rojên dawî de gefên xwe zêde kirine.
Serokwezîrê Îsraîlê Benjamin Netanyahu anî ziman eger Îran êrîşî welatê wîbike, ew encamên wê hiligirin û got: “Kî zirarê bide me yan jî plana zirarê bide me, em ê zirarê bidin wan.”
Netanyahu beriya civîna civata wezîran daxuyaniyek da û diyar kir ku Îran bi salan e rasterast an jî bi rêya alîgirên xwe li dijî Îsraîlê çalakiyan dike.
Netanyahû anî ziman ku Îsraîl wê li hemberî êrîşên muhtemel xwe biparêze û wiha got:
“Em ê li gor prensîbeke hêsan tevbigerin: Kî zirarê bide me yan jî plana zirarê bide me em ê zirarê bidin wî.”
Metirsîya tolhildanê ya Îranê
Îranê piştî êrîşa 1ê Nîsanê ya li dijî avahiya konsulxaneya li balyozxaneya Îranê ya li Şamê, gefa tolhildanê xwaribû.
Lîderê olî yê Îranê Alî Xameneyî bi gotina, “Îsraîl wê ji vê yekê poşman bibe” û ragihand ku wê tola xwe ji Îsraîlê hilînin.
Di êrîşê de ku Îsraîl bi fermî berpirsyariya êrîşî negirt ser xwe, bi giştî 7 Pasdarên Şoreşa Îranê ku 2 ji wan fermandar bûn, mirin.
Washingtonê ji bo Îsraîlê piştgiriya xwe ragihand
Di vê navberê de hat ragihandin ku duh di pêwendiya telefonî ya Netanyahu ya li gel Serokê Amerîkayê Joe Biden de gefa tolhildanê ya Îranê jî hatiye gotûbêjkirin.
Qesra Spî ragihand ku Biden derbarê van gefan de piştgiriya Amerîkayê ji Netanyahu re ragihandiye.
Şêwirmendê Ragihandina Ewlekariya Netewî ya Qesra Spî John Kirby anî ziman ku piştgiriya Amerîkayê ji bo Îsraîlê ji bo parastina xwe li hember gelek gefan “neguhêz e.”
Li gorî nûçeya malpera Axios (aksiyos) a ser bi rayedarên Îsraîlî ve, Îsraîl bi hevalbendê xwe Amerîkayê re li ser geşedanên dawîn axivî.
Malperê diyar kir ku eger Îran ji xaka xwe ve êrîşî Îsraîlê bike ji bo tolhildana êrîşa li Sûriyê, ew ê rûbirû bibin.
Hat ragihandin ku Îsraîla ku ji ber zêdebûna rageşiya bi Îranê re ji bo xurtkirina parastina esmanî tedbîr girtibû, destûra yekîneyên xwe yên şer rawestand û leşkerên xwe yên yedek jî gazî wezîfeyê kir.
Daniel Hagarî: Pergala bi cihkirina GPS’ê gefên îranê ne
Berdevkê artêşa Îsraîlî Daniel Hagarî piştrast kir ku sîstema cihgirkirina GPSê (cî pî es) ya welêt bi zanebûn hatiye astengkirin û ji bo gefan bêbandor bike.
Medya Îsraîlê îdia kir ku sedema vê yekê gefên Îranê ne.
Di êrişa Îsraîlê ya li dijî Şamê de 8 berpirsên Îranî hatin kuştin
