Êrîş û operasyonên Îsraîlê ya li dijî Xezayê dibe sedema hejmarek zêde mirina sivîlan û xebatkarên ku alîkariyên mirovî digihînin.
Her çendî hişyarî û cezayên li ser Îsraîlê were bilêvkirin jî bîlanço her ku diçe giran dibe.
Li aliyê din Amerîkayê hişyarî da Îsraîlê ku ji bo agirbestê lihevkirinek bike an jî Amerîka di siyaseta xwe de
guhertinan çêbike.
Ji bo alîkariya çekan jî 600 parêzaran bang li hikumeta Îngîlîstanê kir da ku firotina çekan ji Îsraîlê re rawestîne.
Serokê Amerîkayê Joe Biden hişyarî da Binyamîn Netanyahu.
Piştî çend rojan kuştina xebatkarên alîkariya xurekê Joe Biden û Binyamîn Netanyahu bi telefonê axivîn.
Joe Biden ji Netanyahu re got li Xezayê agirbest şert e û divê demildest Îsraîl lihevkirinek bike.
Her wiha Biden ji bo sivîl û erkdarên alîkariyê di operasyonên Îsraîlê ya li Xezayê de neyên kuştin banga baldariyê kir.
“Heger guhertin nebe dê piştevaniyê qut bikin”
Qesra Spî di daxuyaniyekê de got, “Biden eşkere kir ku divê Îsraîl rêzek gavên taybetî, berbiçav ragihîne û bi cih bîne da ku zirarên sivîl, êşên mirovahî û ewlehiya xebatkarên alîkariyê çareser bibe.”
Berdevkê Konseya Ewlekariya Neteweyî ya Amerîkayê John Kirby got:
“Eger di aliyê Îsraîlê de guhertin çênebe, wê li aliyê me çêbibe.”
Di vê navberê de, Wezîrê Derve yê Amerîkayê Antony Blinken jî anî ziman heger Îsraîl guhertinên girîng di awayê birêvebirina şer de neke, dê piştgiriya Washingtonê qut bibe.
Blinken li Brukselê ji rojnamevanan re got:
“Eger em guhertinên ku divê em bibînin nebînin, dê di siyaseta me de guhertin çêbibin.”
Îsraîl berpirsyariya êrîşê qebûl kir, lê îdia kir ku konvoy hedef nehatiye girtin û mirina karmendan ne bi qestî ye.
Li aliyê din World Central Kitchen, ji ber êrîşê artêşa Îsraîlê bi tundî rexne kir û xebatên saziyê yên li Xezayê rawestand.
600 parêzeran bang li hikumeta Îngîlîstanê kir
600 parêzerên Îngîlîstanê bang li hikumetê kirin ku firotina çekan ji Îsraîlê re rawestîne.
Di nav wan de sê dadwerên berê yên Dadgehên Bilind ji Serokwezîr Rişî Sunak re nameyeke 17 rûpelî nivîsandin.
Di vê nameyê de hat diyarkirin Îngilîstan ji ber ‘rîska maqûl a qirkirinê’ ya li Xezayê di bin xeteriya binpêkirina hiqûqa navneteweyî de ye.
Serokwezîr Sunak di daxuyaniya xwe de anî ziman ku Înglîstan xwedî sîstemek ‘pir baldar’ ya dayîna lîsansa hinardekirina çekan e.
Parêzeran: Divê firotina çekan ji Îsraîlê re were rawestandin
Dadgerê berê yê Dadgeha Bilind Jonathan Sumption diyar kir ku divê dadgeha bilind a Neteweyên Yekbûyî bandorê li polîtîkaya Îngilîstanê bike û got,
“Ji bo pêşîgirtina li qirkirinê divê her tiştî bikin.”
Sunak li ser bûyerê ji rojnameya The Sun a Brîtanyayê re nirxand û daxwaza lêkolîneke serbixwe kir, lê behsa rawestandina firotina çekan nekir.
Li gorî Koma Kampanyaya Dijî Bazirganiya Çekan (CAAT) nirxê lîsansên hinardekirina çekan ên Îngilîstanê ji sala 2008’an û vir ve ji 574 mîlyon sterlinî derbas bûye.
Biden: Îsraîl ji bo xebatkarên alîkariyê hewldanek raber nekir
