Îro em ê behsa hovîtiya 5 salan ya li hundirê bajarê Girê Spî bikin.
Her çendî dîmenên hemû rengê vê hovîtiyê kêm derdikevin jî, lê rewşa li wir kêm zêde tê zanîn û ragihandin.
Navenda Belgekirina Sûcan rapor weşand.
Navendê behsa binpêkirinên di nava 5 salan de dike û dibêje:
Li Girê Spî di 5 salên dagirkirinê de, 83 kes hatin kuştin.
Bajarê Girê Spî ji cotmeha 2019 ve di bin dagirkeriya Tirkiyê û çeteyên wê de ye.
Ji wê rojê û heta niha, hemû rengê hovîtî û sûcên dijî mirov li wir pêk hatine.
Navenda Belgekirina Sûcan têkildarî hovîtiya çeteyan di nava 5 salan de daxuyaniyek weşand.
Li gorî Navenda Belgekirina Sûcan li bajarê Girê Spî ji Cotmeha 2019’an ve 203 şênî hatine revandin.
Di nav wan de 7 jin û 12 zarok, çarenûsa 89 kes ji wan hîna nediyar e û 26 kes jî sewqî Tirkiyê hatine kirin û li wir girtî ne.
Navendê bi bîr xist ku di êrişan de û piştî êrişê 75 kes hatine kuştin û zêdetirî 219 kes jî birîndar bûne. Ji wan 17 kes astengdar bûne.
8 şêniyên ku piştî dagirkirinê vegeriyane malên xwe, hatine qetilkirin.
Navendê da zanîn ku ji sedî 14’ê niştecihên Girê Spî piştî dagirkirinê, vegeriyane warên xwe lê gelek ji wan hatine revandin.
Dagirkeran zêdetirî 5 hezar û 171 mal û hezar û 180 dikan desteser kirine û şênî ji 64 gundî derxistine.
Destê xwe danîne ser zêdetirî milyonek û nîv milyon donim zevî.
Li gorî agahiyên ku navendê parve kirine, hezar û 849 malbatên ji herêmên din ên Sûriyê li malên şêniyên bajarê Girê Spî yên koçber bûne, hatine bicihkirin.
Çeteyên dewleta Tirk a dagirker zêdetirî 12 kargeh desteser kirine, amûrên tê de dizîne û li Tirkiyê firotin e.
Navenda Belgekirina Sûcan anî ziman ku leşkerên Tirk li ser sînorên gundewarê Girê Spî 14 sûrî qetil kirin û 77 kes jî birîndar kirin.
Di nava kuştiyan de zarokek heye, piraniya wan cotkar in û zeviyên wan li ser sînor in.
Dagirkeriya Tirkiyê di meha Sibatê de 3 hezar kes li Girê Spî bicihkir
