Pisporê rewşa Tirkiyê Mihemed Nûredîn hilbijartinên şaredariyan ku tê de Erdogan û partiya wî têk çûn, wekî “Qonaxeke girîng nirxand û got:
“Aloziya aborî û siyasetên derve yê Erdogan sedemên têkçûna wî di hilbijartinan de ne.”
Di hilbijartinên xwecihî yên Bakurê Kurdistanê û Tirkiyê de rejîma faşîsta ya AKP-MHP’ê li hember CHP û DEM partiyê têkçûneke mezin jiyan kirin.
Pisporê rewşa Tirkiyeyê Mihemed Nûredîn ê ji Lubnanê têkildarî hilbijartinên xwecih ên li Tirkiye û Bakurê Kurdistanê axivî.
Mihemed Nûredîn di destpêka axaftina xwe de bal diyar kir ku hilbijartnên li Tirkiyê polîtîke û got:
“Em dikarin bêjin ku ev hilbijartin girîng e, cara yekê ye ku partiya serdest AKP û hevkarê wê MHP’ê ji dema ku di sala 2002’an de bûne desthilatdar bi bin dikevin.
Ev mijar hem di aliyê manewî de û hem jî di aliyê madî de gelekî girîng e.”
Mihemed Nûredîn: Ev têkçûn wê bandoreke mezin li AKP’ê bike
Mihemed Nûredîn li ser bandora binkeftina AKP’ê li partiyê û rewşa navxweyî ya Tirkiye jî ev nirxandin kir:
“Bê guman AKP’ê ku cara yekemîn bibe partiya duyemîn ne ya yekemîn wê bandorke manewî ya mezin li rewşa partiyê bike. Rewşa hilbijartinê li hikumetê ferz e ku plnanên xwe û armancên xwe yên pêşîn di ber çavan re derbas bike.”
Nûredîn diyar kir ku siyasetên derveyî yên AKP’ê li Sûriye, Iraq û bakurê Afrîkayê hiştin rewşa aborî ji ber bikaranîna budceya dewletê di şerên derveyî de, paş bikeve û got:
“Dijminên AKP’ê dibînin ku şerên wî yên li derve bê encam in, lê AKP’ê siyasetên xwe yên li derve wekî berdewama projeya Osmaniya Nû şîrove dike ku hewl dide bakurê Sûriyeyê û bakurê Iraqê kontrol bike.”
Mihemed Nûredîn: Erdogan dev ji siyasetên xwe yên mêtingeriyê li sûriye û iraqê bernade
Pisporê rewşa Tirkiyê Mihemed Nûredîn anî ziman ku Erdogan dest ji siyasetên xwe yên mêtîngeriyê yên li Sûriyeyê û Iraqê bernade û ev nirxandin kir:
“Niha jî, gelo wê Erdogan siyasetên xwe yên derve di ber çavan re bigire?
Dibe ku bersiv ne hêsan be ji ber ku Tirkiye bi NATO, Îsraîl û dewleyên Kendava Erebî ve girêdayî ye.
Her wiha ji ber çavnebariya Osmanî ya ku li gor Mîsaq Milî li herêmê bi taybetî li bakurê Sûriye, Iraq û Kafkasyayê dimeşe.
Erdogan dest ji siyasetên xwe yên li bakurê Sûriye û bakurê Iraqê bernade. Ev siyaset beşek ji îdeolojiya wî ya neteweyî ya Osmanî ye.”
Zanyarê Siyasetê Sînan Onal, planên êrişên nû yên AKP’ê û MHP’ê nirxand
