Dewleta Îranê li hemberî Îsraîlê bi gelek balafirên bêmirov dest bi êrîşekê kir.
Li gorî du çavkaniyên ewlekariyê yên herêmî, jetên Urdunê li herêmên bakur û navîn ên Urdunê bi dehan balafirên bêmirov ên Îranê yên ber bi Îsraîlê ve diçûn, xistine xwarê.
Artêşa Muxafizên Şoreşa Îslamî ya Îranê ragihand ku weke bersiva li êrîşa hewayî ya Îsraîlê ya li ser Konsolosxaneya Îranê ya li Sûriyê wan bi dehan balafirên bêmirov û fuze avêtine Îsraîlê.
Televîzyona dewletê ya Îsraîlê KANN jî diyar kir ku Îranê li dijî Îsraîlê dest bi êrîşa bi balafirên bêmirov kiriye.
Serokwezîrê Îsraîlê Bînyamîn Netanyahû jî destnîşan kir ku sîstema parastinê ya welêt hatiye çalakkirin û artêşa wan amade ye.
Di vê navberê de artêşa Îsraîlê li hemberî êrîşên gengaz ên ji Îranê fermanên ewlekariyê yên ji bo du rojan eşkere kir.
DYE’yê jî soza piştgiriya ji bo Îsraîlê da.
Urdunê jî biryar da ku qada xwe ya hewayî li hemû balafirên transît bigire.
Wezîrê Ragihandinê Rezzak es-Sadavî jî ji Ajansa Nûçeyan a Fermî ya Iraqê ÎNA re axivî û diyar kir ku qada hewayî li firînan hemûyan hatiye girtin.
Urdunê ragihand ku bi dehan balafirên bêmirov ên Îranê xistiye
Qenala 12 a Îsraîlê diyar kir ku hin ji fuzeyan li Sûriyê hinek jî li Urdunê hatine xistin.
Li gorî du çavkaniyên ewlekariyê yên herêmî, jetên Urdunê li herêmên bakur û navîn ên Urdunê bi dehan balafirên bêmirov ên Îranê yên ber bi Îsraîlê ve diçûn hatine xistin.
Rayedarên Dewletên Yekbûyî yên Emerîkayê (DYE) diyar kir ku artêşa Îsraîlê balafira bêmirov a Îranê ya ber bi Îsraîlê ve diçû xistiye.
Urdunê ragihand ku artêş di rewşa alarmê ya bilind de ye û sîstema radarê liv û tevgera her cûre droneyên ji aliyê Iraq û Sûriyê ve tên dişopîne.
Ji deverên dûr ên mîna Yemen û Iraqê fuzeyên menzîl dirêj ber bi hedefên li Îsraîlê hatin avêtin.
Xetere heye ku şerê heyî di navbera Îranê û hevalbendên wê û Îsraîl û DYE ya piştevanê wê de veguhere şerekî yekser.
Misirê jî ‘di asta herî bilind de banga xwînsarî û berpirsyariyê’ kir.
Mîsyona Îranê ya li Neteweyên Yekbûyî li ser platforma medya civakî ya X’ê daxuyaniyek da û ragihand ku ev yek şerekî navbera Îran û Îsraîlê ye û divê DYE ‘xwe ji vê yekê vegire’.
Amerîka ji bo kêmkirina Ragêşiya Îsraîl û Îranê hevdîtinan pêk tîne
