Ji Fermandariya Giştî ya QSD’ê Luqman Xelîl diyar kir ku xeteriya çeteyên DAIŞ berdewam dike û got:
“DAIŞ bi fermanên dewletên mezin tev digere.
Hinek Hêzên Mezin Destekê Didin DAIŞ’ê.
Yek jî Fermandariya Giştî ya Hêzên Sûriya Demokratîk QSD’ê Luqman Xelîl têkildarî tevgerên çeteyên DAIŞ’ê yên li beyara Sûriyê ji ajansa Hawarê re axivî.
Luqman Xelîl di despêka nirxandinê xwe de hişyarî da ku çeteyên DAIŞ’ê careke din vegerin û destnîşan kir ku cîhan dema digot xetereya DAIŞ’ê ji holê rabûye kêmasiyên mezin dikir û got:
“Rast e DAIŞ kontrola xwe ya erdîngarî ji dest daye, lê projeyên wê hene.
DAIŞ xwedî îdeolojiyeke tundraw e ku nûnertiya olî nake û mafên mirovan di ber çavan re nagire.
Îdeolojiya ku DAIŞ’ê dixwaze belav bike li ser esasê wêrankirina îradeya mirovan e û kolekirina wan e.”
Luqman Xelîl: Hêzên navneteweyî û herêmê DAIŞ wekî amûrekê bi kar tînin
Fermandar Luqman Xelîl bal kişand ku hin hêzên herêmî û navneteweyî DAIŞ ji bo pêkanîna berjewendiyên xwe û kontrola xwe ya li ser herêmê bi kar tînin û wiha domand:
“DAIŞ di aliyê cografî de tune bûye, lê hîna bi dawî nebûye.
Divê cîhan vê rastiyê bizanibe û bibîne.
DAIŞ li cihên ku xwe lê vedişêre xwe ji nû ve bi rêxistin dike û bi zanebûn xwe vedişêre, li gorî koman tevnagere.
Li pey van tevgerên metirsîdar armanc hene.”
Luqman Xelîl: DAIŞ bi fermanên dewletên mezin tev digere
Luqman Xelîl got hikumeta Şamê berpirsê qetilkirina sivîlan e û wiha pê de çû:
“DAIŞ sîstema xwe ava dike û bi tirsandinê qanûnên xwe ferz dike. Heta niha zêdekirî 100 sivîl qetil kiriye.
Gelo kî ji vê yekê berpirsyar e? hikumeta Şamê berpirsyar e.
Li herêmên me jî tevgera DAIŞ’ê heye.
Cîhan dibêje piştî DAIŞ li Baxozê têk çû hebûna wê nemaye.
Ev gotin ne rast in, DAIŞ bi fermanên dewletên mezin tev digere.
Hinek hêzên mezin destekê didin daiş’ê”
Luqman Xelîl: Bêdengiya hêzên navneteweyî cesaretê dide DAIŞ’ê
Luqman Xelîl bêdengiya hêzên navneteweyî ya li hemberî DAIŞ’ê şeremzar kir û wiha domand:
“Zexteke mezin li ser herêmê heye, ev jî li ber çavên cîhanê çêdibe.
Tevahî navend û cihên ku pêwîstiyên jiyanê ji gelê me re dabîn dikin wekî gaz, kehrebe û av tên hedefkirin.
Ev bêdengî cesaretê dide DAIŞ’ê da ku ji nû ve xwe bi rêxistin bike.”
Endamê Fermandariya Giştî ya QSD’ê Luqman Xelîl di dawiya axaftina xwe de got, QSD’ê hêzeke fedaî ye dê erk û berpirsyariyên xwe li hemberî gelê xwe bi cih bîne.
https://youtu.be/OuCRFVDOX0I
