Meclisa Kongra Star derbarê Şehadeta Şehîd Zozan Hesekê daxwiyaniyek da.
Meclisê di daxwiyaniyê de diyar kir ku Şehîd Zozan ji bo welatê xwe şer kir û bû şervanên azadî û heqîqetê û got:
“Îro em wekî Rojava deyîndarê heval Zozan in.
Derbarê şehdeta Şehîd Zozan Hesekê (Munewer Fatimê) Meclisa Kongra Star daxwiyaniyek nivîskî da .
Meclisê destpêkê sersaxî ji gelê kurd û malbata Şehîd Zozan re xwest û got:
Kongra Star: Şehîd Zozan yek ji şopedarên şervanên heqîqetê bû
“Hevrê Zozan Hesekê yek ji şopdarên şervanên heqîqet û azadiyê bû.
Ew di şopa dayîka xwedewand Îştarê de dimeşî.
Wê hîn di temenekî biçûk de dil dabû doza azadiyê.
Li gel wê heqîqet, ji dilbûn, ked, girêdana bi hevalên xwe û welatê xwe ve li ser her tiştî re digirt.
Ew bi xwe xwedî rihekî azad û serhildêr bû. ”
Kongra Star: Ş.Zozan tu car qebûl nekir di bin serweriya dijmin de jiyan bike
Meclisa Kongra Star di berdewamî de da zanîn ku Ş. Zozan qebûl nedikir yek rojekê di bin serweriya dijmin de jiyan bike û got:
“Ji bo wê azadî ji av, nan û hewayê giringtir bû jê re.
Bi fikir û ramana welat ve radibû û dirûnişt.
Wê dil dabû azadiyê û aşqa welat jiyan dikir, ji bo wê hîn di temenekî biçûk de tevlî kar dibe.
Bi qasî ji welat hezdikir, ewqasê jî bi hevalên xwe ve girêdayî bû.
Ew hevala roja teng bû. Wekî çiyayekê li pişta hevalên xwe bû. ”
Kongra Star: Em weke Rojava deyndarê Şehîd Zozanin
Meclisê da diyar kir ku şehîd Zozan bihost bi bihost li welat têkoşiya di hemû qadan de li ber xwe û wiha bi dawî kir:
“Îro em wekî Rojava deyîndarê heval Zozan in.
Wê bidil û can di di rizgarkirin û ji nû ve avakirina Rojava de cihê xwe girt.
Ew û heval Zelal Zagros jî di heman demê de tevlî tevgera azadiyê dibin.
Du hevrê, du dilên dilpak, Zozan û Zelal di rêya Zîlanan de bûn, ew jinên ceger ji pola.
Ew in ên rûmeta me, jîn û jiyana me bi wate kirin. “
