Piştî çendîn sal bi ser tunekirina DAIŞ’ê li Iraq û Sûriyê re derbas bûn, dewleta Tirk a dagirker bi her awayî hewl dide DAIŞ’ê zindî bike.
Civaka navnetewî çavê xwe ji piştgiriya Erdogan a ji DAIŞ’ê re digirin, bi vê yekê xuya dibe ku ew jî naxwazin DAIŞ bidawî bibe.
Tenê Hêzên QSD, YPG û YPJ’ê ji dil û can li dijî DAIŞ’ê şer dikin û pêşî li ber vejîna wê digrin.
Piştî çendîn sal bi ser tunekirina DAIŞ’ê li Iraq û Sûriyê re derbas bûn, dewleta Tirk a dagirker dixwaze careke din DAIŞ’ê zindî bike.
Belge, pêngav û hewildanên dewleta Tirk a dagirker ji bo jinûve zindîkirina DAIŞ’ê gelek zelal û eşkere ne.
Lê civaka navnetewî û welatên Rojhilata Navîn çavê xwe ji piştgiriya Erdogan a ji DAIŞ’ê re digirin, bi vê yekê xuya dibe ku ew jî naxwazin DAIŞ bidawî bibe.
Herêmên dagirkirî bûne navendên ji nû ve zindîbûna çeteyên DAIŞ’ê
Herêmên dagirkirî bûne navendên ji nû ve zindîbûna çeteyên DAIŞ’ê.
Dewleta Tirk a dagirker li ber çavê Amerîka, Fransa, Brîtanya û Rûsyayê ev herêm kirine çeper û milkê çeteyên DAIŞ’ê.
Hewldanên bênavber ên dewleta Tirk a ji bo rizgarkirina xizmên çeteyên DAIŞ’ê ji girtîgeha Hesekê û Kampa Holê didomin.
Çeteyên DAIŞ’ê li nexweşxaneyên Tirkiyê tên dermankirin
Bi hezaran serçete û çeteyên DAIŞ’ê niha li nexweşxaneyên Tirkiyê tên dermankirin û piştî saxbûnê wan dişinin Iraq, Sûriye û welatên din.
Her roj di medyaya Tirkiyê û AKP’ê ya faşîst de bi hinek serçeteyên DAIŞ’ê re hevpeyvîn tên kirin û gefa dagirkirina Iraq û Sûriyê dixwin.
Lê heta niha hikûmetên Iraq û Sûriyê derbarê wan serçeteyan de tu daxuyanî nedane.
Dewleta Tirk hê jî bi hinceta têkoşîna li dijî DAIŞ’ê bi milyonan dolar ji welatên endamên Koalîsyona Navnetewî ya Têkoşîna li Dijî DAIŞ’ê distîne.
Lê van dolaran ji bo bihêzkirina çeteyên DAIŞ’ê bikar tîne.
Li Iraqê jî Erdogan ji bo jinûve zindîkirina DAIŞ’ê gelek hewldanan dike
Li Iraqê jî Erdogan ji bo jinûve zindîkirina DAIŞ’ê gelek hewldanan dike.
Hinek çete li xwe mikur hatin ku bi alîkariya PDK’ê li deverên Başûr Kurdistanê derbasî nav xaka Iraqê bûne.
Operasyon û çalakiyên artêş û hêzên ewlekariyê li Iraqê û yên QSD’ê li Bakur û Rojhilatê Sûriyê li dijî şaneyên razayî yên çeteyên DAIŞ’ê, kêliyekê jî ranawestane.
Lê dîsa jî hîn bi temamî DAIŞ tune nebûye.
Li gorî îtîrafên çend çeteyên DAIŞ’ê yên di girtîgehên Iraq û Bakur û Rojhilatê Sûriyê de, dewleta Tirk ciwanên Sunnî teşwîq dike ku tevlî çeteyên DAIŞ’ê bibin.
Tenê QSD YPG û YPJ’ê dikarin li hember çeteyên DAIŞ’ê bisekinin
Tenê Hêzên QSD, YPG û YPJ’ê dikarin li hemberî çeteyên DAIŞ’ê bisekinin û pêşî li vejîna DAIŞ’ê bigirin.
