Endamê Konseya Rêveber a KCK’ê Mûstafa Karasû diyar kir Helwestên kêm ên li dijî PDK’ê ji dewamkirina xiyaneta PDK’ê re dibe bingeh û got:
“PDK wê ewqasî xiyanetê bike lê li hemberî PDK’ê helwest neyê nîşandan!
Ev rewş pîvanên welatparêziyê kêm dike, xumamî dike.
Eger rewşeke bê rexnekirin hebe ew jî helwesta kêm a li dijî PDK’ê ye.”
Endamê Konseya Rêveber a KCK’ê Mûstafa Karasû li ser tecrîd û xiyaneta PDK’ê nirxandin kir.
Mûstafa Karasû despêkê tecîda li ser Rêber Apo nirxand û wiha got:
“Polîtîkaya li Îmraliyê tê meşandin qada bingehîn a polîtîkaya qirkirina Kurdan e.
Yên ku polîtîkaya qirkirinê dimeşînin beriya her tiştî dixwazin ku îradebûna siyasî û civakî ya gel asteng bikin.
Ji bo vê jî dixwazin rêxistin û lîderê wê tasfiye bikin ku li dijî qirkirinê têdikoşin.”
Mûstafa Karasû: Divê berpirsyariya rexnedayinê bi cih bê anîn
Karasû diyar kir ku divê gel berpirsyartiya xwe ya rexnedayinê bi cîh bîne û got:
“Bêguman têkoşîna azadiyê ya ji bo Rêber Apo bi pêş dikeve.
Gelê me dibêje, eger Rêber Apo hîn jî dîlgirtî be ev yek rexnedayina me ye.
Wê demê divê em berpirsyariya rexnedayinê bi cih bînin, li lçar parçeyên Kurdistanê û derveyî welat hîn bi rengekî çalak tevlî vê têkoşînê bibin.”
Mûstafa Karasû: Çalakiyên ku xwe dubare dikin nikarin encamê werbigirin
Mûstafa Karasû anî ziman divê çalakiyên ku encam bi xwe re bînê bêne kirin.
“Bi çalakiyên ku xwe dubare dikin encam nikare bê bidestxistin.
Lewma girîng e ast û bandora çalakiyan her roj hîn bêhtir bê xurtkirin.”
Bi bangên li dewleta Tirk, CPT û Konseya Ewropayê encam nayê bi dest xistin.
Bêguman divê bêne teşhîrkirin, lê bi rêbazên afirîner divê bên peyda kirin.”
Mûstafa Karasû: Hewl dide PDK’ê tevlî şerê çalak bike
Mûstafa Karasû li ser êrîşên dewleta Tirk û hevkariya PDK’ê jî nirxandin kir.
“Dewleta Tirk ji ber ku nikare encamê werbigire hewl dide PDK’ê tevlî şerê çalak bike.
Mehên dawî armanca esasî ya serdanên li Bexda û Hewlêrê tasfiyekirina gerîla bû.
Dewleta Tirk ‘projeya rêya pêşvebirinê’ dixwaze bike amûreke wê yekê ku Iraqê tevlî vê armanca xwe bike.”
Mûstafa Karasû: Têoşîna li dijî helwesta PDK’ê têrker nîne
Endamê Konseya Rêveber a KCK’ê Mûstafa Karasû diyar kir ku helwesta li dijî xiyaneta PDK’ê têrker nîne û wiha bi dawî kir:
“Tevî ku PDK di vê astê de di nava xiyanetê de ye, ev helwesta li dijî PDK’ê têrker nîne, têkoşîn têrker nîne.
PDK wê ewqasî xiyanetê bike lê li hemberî PDK’ê helwest neyê nîşandan! Ev rewş pîvanên welatparêziyê kêm dike, xumamî dike. Ev yek ji bo têkoşîna gelê Kurd jî xetereyeke mezin e.
Eger rewşeke bê rexnekirin hebe ew jî helwesta kêm a li dijî PDK’ê ye.
Helwestên kêm ên li dijî PDK’ê ji dewamkirina xiyaneta PDK’ê re dibe bingeh.”
