Rûsya li ser Ukraynayê bi 40 balafirên bê mirov êrîş pêk anî.
Rayedarên Ukraynayê ragihandin ku 35 ji wan balafiran hatine xistin.
Her wiha hat diyarkirin ku ji aliyê Rûsyayê ve 3 mûşekên balîstîk ên Iskender-M û 2 mûşekên din ên Kruz jî hatine avêtin.
Di êrîşa Rûsyayê ya li ser axa Ukraynayê de, her du welatan rojek berê bi dehan balafirên bêmirov avêtin hemberî hev.
Rayedarên Hêza Hewayî ya Ukraynayê ragihandin ku di şeva navbera 20 û 21ê Tîrmehê de ji 40 balafirên bêmirov ên Îranê ku ji aliyê Rûsyayê ve hatibûn avêtin, 35 ji wan hatin xistin.
Her wiha hat diyarkirin ku ji aliyê Rûsyayê ve 3 mûşekên balîstîk ên Iskender-M û 2 mûşekên din ên Kruz jî hatine avêtin.
Hat îddîakirin ku ji ber “tedbîrên dijber” ên Ukraynayê 2 fuzeyên Kruz nikarin bigihêjin hedefên xwe.
Derbarê ziyanên 3 moşekên balîstîk ên Îskender-M de agahiyek nehat dayîn.
Serokdewletê Ukraynayê Volodymyr Zelenskiy di peyameke xwe ya li ser platforma medyaya civakî X’ê de nivîsîbû ku beşeke girîng a balafirên bê mirov ên kamikaze yên bi navê ‘Şahed’ ên Îranê ku ji aliyê Rûsyayê ve hatibûn avêtin, ji aliyê parastina hewayî ve hatin xistin.
26 balafirên bê mirov li Başûrê Ukraynayê ketine
Di heman demê de Wezareta Parastina Rûsyayê ragihand ku 26 balafirên bê mirov ên Ukraynayê çend sed kîlometre dûrî herêma Rostovê li başûrê wî welatî hatine xistin.
Piştre hat ragihandin ku li Belgorodê 3 û li Simolenskê jî balafireke bêmirov hatiye îmhakirin û di bûyerê de ti kes nemiriye û birîndar nebûye.
Rûsyayê herî dawî çend êrîşên esmanî li ser binesaziya enerjiyê ya bajarên rojhilatê Ukraynayê pêk anî.
Tê zanîn ku di van êrîşan de gelek tesîs û binesaziya enerjiyê li welat ziyan dîtine û Ukrayna ji bo demekê dest bi qutkirina elektrîkê kiriye.
Waliyê Poltava Fîlîp Pronîn anî ziman ku ji ber êrîşên hewayî yên Rûsyayê bi hezaran kes li Ukraynayê “bê ceyran û av mane”.
Ji ber êrîşên Rûsyayê yên li Rojhilat di van mehên dawî de zêde bûne, Kîev neçar ma ku ji hin bajarok û gundên herêma Donetsk a rojhilatê vekişe.
Rûsyayê cara yekem di sala 2014’an de nîvgirava Kirimê ya li peravên Behra Reş a Ûkraynayê dagir kiribû.
Demeke kin piştî dagirkirina Kirimê, herêmên Luhansk û Donetskê yên li Donbasê ku piraniya şêniyên wê rûs in, bi piştgiriya Rûsyayê li dijî rêveberiya Ukraynayê şer îlan kirin û du komarên ku nehatine naskirin ava kirin.
Paşê, Rûsyayê ev her du komara wekî beşek ji dagirkirina Ukraynayê bi nav kir.
