Li Çînê di navbera Hemas û El Fetîh de deklerasyona Pekînê hat îmzekirin.
Rayedarê Hemasê diyar kir ku di civine de “demên dirokî” hene û ji bo ku deklarasyona ku wan imze kirine bikeve meriyetê hêviya serkeftinê anî ziman.
Rêvebiriya Filistînê jî daxwaza Çînê ya ji bo rêvebirina dewleta Filistînê li Şerîeya Rojava, Quds û Şerîda Xezayê bi kêfxweşî pêşwazî kir.
Serokê Ofîsa Têkiliyên Navneteweyî ya Hamasê Mûsa Ebû Merzûk diyar kir ku ew bi hêvî ne ku Danezana Pekînê ya ku bi navbeynkariya Çînê ji aliyê 14 rêxistinên Filistînî ku Hamas û Fetih jî di nav de ye, bi cih were anîn û wekî yên berê li ser kaxezê nemîne.
Li gorî daxuyaniya li ser malpera Hamasê hat weşandin, Ebû Merzûk di civîna li Çînê de axivî û diyar kir ku Tofana Eqsayê ya 7’ê Cotmehê di asta neteweyî, herêmî û navneteweyî de gelek tişt guhert.
Ebu Merzuk diyar kir ku di civine de “demên dirokî” hene û ji bo ku deklarasyona ku wan imze kirine bikeve meriyetê hêviya serkeftinê anî ziman.
Hemas: Em ê biryardariya xwe ya ji bo rizgarkirina axa xwe bidomînin
Rayedarê Hamasê bal kişand ser peymanên lihevhatinê yên kevin ên ku li ser kaxezê mane û destnîşan kir ku ew naxwazin ev daxuyanî wekî yên berê be.
Ebû Merzuk bal kişand ku gelê Filistînê “plana bêbandorkirin û îzolekirina berxwedanê û derxistina filistîniyan ji axa wan” tevî hemû êşan têk çû û wiha got:
“Em ê îradeya xwe ya ji bo azadkirina axa xwe û misogerkirina vegera gelê xwe bidomînin.”
Rêveberiya Fîlistînê: Em bi kêfxweşî pêşwazî dikin
Rêvebiriya Filistînê jî daxwaza Çînê ya ji bo rêvebirina dewleta Filistînê li Şerîeya Rojava, Quds û Şerîda Xezayê bi kêfxweşî pêşwazî kir.
Di daxuyaniya ku di ajansa nûçeyan a fermî ya Filistînê WAFA’yê de hat weşandin de bal hat kişandin ser daxuyaniyên Wezîrê Karên Derve yê Çînê Wang Yî yên derbarê avakirina hikûmeta demkî ya lihevhatina neteweyî ya Filistînê de.
Di daxuyaniyê de hat destnîşankirin ku gotinên Wezîrê Karên Derve yê Çînê Wang li gorî helwesta rêveberiya Filistînê û rewabûna navneteweyî ye.
Her wiha hat diyarkirin ku Wang di daxuyaniyên xwe de daxwaza agirbesta lezgîn û alîkariya mirovî ya li Xezayê kiriye.
Wezîrê Karên Derva yê Çînê Wang Yi di daxuyaniya xwe ya der barê mijarê de wiha got:
“Çîn ji dil hêvî dike ku komên Filistînî li ser esasê lihevkirina navxweyî di demeke zû de yekîtiya neteweyî û dewleteke serbixwe ya Filistînê pêk bînin.”
