Rûsya li ser Ukraynayê êrîşa moşekî pêk anî.
Li gor daxuyaniya wezareta parastinê ya Rûsyayê di êrîşê de 50 perwerdekarên rojavayî hatine kuştin.
Her wiha Serokê dîplomasiya Yekîtiya Ewropayê Josep Borrell şert û mercên ku Rûsya beşdarî civîna aştiyê bibe ragihand.
Çavkaniyên Wezareta Parastinê ya Rûsyayê îdia kirin ku Rûsyayê di êrîşa bi moşekên balîstîk ên li ser herêma Xarkîvê ya li bakurê rojhilatê Ukraynayê de bi dehan perwerdekarên leşkerî yên rojavayî kuştin.
Çavkaniyekî Wezareta Parastinê ji ajansa nûçeyan a Rûsî TASS re ragihand:
“Pergala Parastina mûşekî ya Iskender-M li xaleke Daraçî ya Xarkîvê, ku navenda erkê ya demkî ya çekdar û perwerdekarên welatên rojava ye, xist.”
Deraçî 12 kîlometre li bakurê rojavayê paytexta herêma Xarkîvê ye.
Rûsya: Nêzî 50 perwerdekarên Rojavayî hatin kuştin
Di dema ku jêderê ti hûrgilî derbarê kengî êrîş pêk hat parve nekir û got:
“Di encama êrîşê de, nêzîkî 50 perwerdekarên biyanî hatin kuştin.”
Moskow Times da zanîn ku ew bi awayekî serbixwe nikarin êrîşê piştrast bikin û rayedarên Ukraynayê jî derbarê mijarê de daxuyanî nedane.
Piştî hewldana dagirkirinê ya Rûsyayê ya ku di 6’ê Sibata 2022’yan de dest pê kir, Serokê Ukraynayê Volodomir Zelenski diyar kir ku lejonek parastinê ya ji şervanên biyanî hatiye avakirin.
Borell şert û mercên ku Rûsya dikare beşdarî civîna Aştiyê bibe ragihand
Divê Rûsya beşdarî Civîna Aştiyê ya bê bibe, lê divê civîn li gorî hiqûqa navneteweyî bê kirin, ne li gorî şertên ku serokê Rûsyayê Vladîmîr Pûtîn pêşniyar kiriye.
Serokê dîplomasiya Yekîtiya Ewropayê Josep Borrell di civîna Konseya Karên Derve ya Yekîtiya Ewropayê ya bi Wezîrê Karên Derve yê Ukraynayê Dmitri Kuleba ra axivî û got:
“Divê em bi danûstandinên dîplomatîk, lê li ser bingeheke diyar, hêviya aştiyê bikin. Û ev ne bingeha Pûtîn e.”
Ev bersiva Borell, bû li ser pirsa ku gelo pêkan e civîna aştiyê ya bê vê payîzê were lidarxistin û di çi şert û mercan de dibe ku Federasyona Rûsyayê jî beşdarî vê civînê bibe.
Dîplomat di wê baweriyê de ye ku serokê Ukraynayê Vladimir Zelenskiy dê berdewam be li rêyên ji bo lidarxistina civîna aştiyê ya bê bi beşdariya Federasyona Rûsyayê.
Josep Borell bal kişand ser wê yekê ku berî niha hatibû gotin ku pêngava din pêwîstî bi beşdariya Rûsyayê heye.
Lê danûstandin divê li ser bingehek diyarkirî pêk werin û ev ne bingeha ku Pûtîn behs dike.
