Endamê Fermandariya Giştî ya QSD’ê Çiya Firat diyar kir ku êrîşên dewleta Tirk dibin sedem ku DAÎŞ ji nû ve xwe komî ser hev bike.
Her wiha Fermandar Çiya Firat anî ziman ku pîştî DAIŞ li Baxozê winda kir rêxistinkirina şaneyên DAIŞ zêde kir.
Ji bo vê jî DAIŞ xwe li ser sînorê Iraq-Sûriye, li deriyê sînor ê Ebû Kemal xwe bi rêxistin dike.”
Endamê Fermandariya Giştî ya QSD’ê Çiya Firat têkildarî vejandin, rexistinkirina DAIŞ’ê û darizandina wan nirxandin kir.
Fermandar Çiya Firat êrîşên dewleta Tirk û bandora wê li ser DAIŞ’ê wiha anî ziman:
“Êrîşên dewleta Tirk ne tenê dibin sedem ku DAIŞ ji nû ve xwe komî ser hev bike, bandorek neyînî li tevahiya gelê Sûriyeyê jî dike.
Dewleta Tirk nahêle muxalefeta Sûriyê li hev bicive, bi hikûmeta Şamê re rûnên, pirsgirêkên Sûriyê çareser bikin û hikûmeta Şamê neçar bikin ku destûreke bingehîn a demokratîk pêk bînin.”
Çiya Firat: Bi koçberkirina Kurdan re qirkirina etnîkî pêk tîne
Endamê Fermandariya QSD’ê Çiya Firat armancê êrîşên dewleta Tirk wiha vegot:
“Dewleta Tirk li aliyekî li Idlibê El Nûsrayê diparêze, li aliyê din jî hewl dide dagirkeriya xwe berfireh bike.
Li aliyê din bi koçberkirina Kurdan re qirkirina etnîkî pêk tîne.
Bingeha êrîşên dewleta Tirk ên li ser Bakur, Başûr û Rojava li ser tinekirina civaka Kurd e.”
Çiya Firat: Hemû dewlet li gorî bercewendiyê xwe nêzî dewleta Tirk dibin
Fermandar Çiya Firat li ser qada navneteweyî û koalîsyonê ku rê li pêşiya DAIŞ’ê nagrin jî nirxand:
“Di vir de ya sereke ew e ku hemû dewlet li gorî berjewendiyên xwe tevdigere.
Helwesta Emerîkayê her tim eşkere ye. Têkiliyên wan bi QSD’ê re demkî ne û di çarçoveya şerê li dijî DAÎŞ’ê de ye.
Ti têkiliya wan bi Rêveberiya Xweser re nîne.”
Çiya Firat: DAIŞ xwe li ser sînorê Iraq-Sûrî yê rêxistin dikin
Endamê Fermandarê QSD’ê li heremên ku liv û tevgera DAIŞ’ê lê zêde buye jî wiha anî ziman;
“DAIŞ piştî Baxozê hêzeke mezin winda kir. Hêza ku DAIŞ’ê li ser piyan dihêle hat şikandin.
Hikûmeta Şamê nikare artêşa xwe binêre û biparêze. Ji bo vê jî DAÎŞ xwe li ser sînorê Iraq-Sûriye bi rêxistin dike.
Li deriyê sînor ê Ebû Kemal xwe bi rêxistin dike.”
Çiya Firat: Darizandina dosyaya DAIŞ’ê sembolîk ma
Çiya Firat li ser dosyaya DAIŞ’ê û ne dadgehkirina DAIŞ’ê jî wiha got:
“DAIŞ’ê yên girtî sûcên li dijî mirovahiyê kirine, komkujî kirine.
Piraniya wan ji dewletên biyanî hatine, dewlet jî naxwazin welatiyên xwe qebûl, bidarizînin.
Ev ne rewşeke asayî ye.
Darizandina wan sembolîk ma.
Dadgeheke wiha ji aliyê aborî ve ji bo van dewletan giran e.
Bi vî awayî ew ji demê re hiştin.”
