Medyaya Îsraîlê ragihandin ku balafirên şer ên hêzên hewayî yên Îsraîlê li dijî nuqteyên di bin kontrola Hîzbullahê de li nêzî sînorê başûrê Lubnanê êrîş pêk anîn.
Ji aliyê din ve li Lubnanê ji ber êrîşên muxtemel ên Îsraîlê seferên balafirgeha navneteweyî ya Beyrûtê hatin rawestandin.
Her wiha serokwezîrê Îsraîlê Benjamin Netanyahu derbarê êrîşa Mecdel Şems de got: “Îsraîl dê vê êrîşa kujer li hêlekê nenivîse. Hîzbullah dê berdêla ku heta niha qet nedaye bide.”
Medya Îsraîlî ragihand ku artêşa Îsraîlê li başûrê Lubnanê çeperên Hizbullahê kir armanc.
Hat ragihandin ku balafirên şer ên hêzên hewayî yên Îsraîlê li dijî nuqteyên di bin kontrola Hîzbullahê de li nêzî sînorê başûrê Lubnanê êrîş pêk anîn.
Di nûçeyê de derbarê êrîşa hewayî de agahiyên berfireh nehatin dayîn, ji artêşa Îsraîlê jî der barê mijarê de ti daxuyanî nehat dayîn.
Ji aliyê Lubnanê ve jî derbarê êrîşan de ti daxuyanî nehat dayîn.
Li dijî êrîşeke muhtemel a Îsraîlê hemû seferên balafirgeha Beyrûtê hatin rawestandin
Li Lubnanê hemû seferên balafirgeha Beyrûtê hatin rawestandin
Ji aliyê din ve li Lubnanê ji ber êrîşên muxtemel ên Îsraîlê seferên balafirgeha navneteweyî ya Beyrûtê hatin rawestandin.
Li gorî agahiyên seferên li ser malpera balafirgehê hatin dayîn, hemû seferên ji Beyrûtê ji bo û ji nuqteyên curbecur ên cîhanê wekî “betalkirin” an jî “paşxistin” hatin nivîsandin.
Hat diyarkirin ku ji ber tehdîda êrîşa artêşa Îsraîlê ya li dijî Lubnanê ev betalkirin û taloqkirin dê heta sibê dewam bikin.
Rêhewayên Rojhilata Navîn (MEA) ku aîdê dewleta Lubnanê ye, duh ragihandibû ku hin geştên xwe yên ji Beyrûtê heta sibeha 29’ê Tîrmehê taloq kirine.
Li gorî nûçeya radyoya artêşa Îsraîlê, artêşa Îsraîlê piştî bûyera Mecdel Şems senaryoyên muxtemel ên bersivdayîna Hizbullahê pêşkêşî hikûmetê kir.
Hat parvekirin ku di senaryoyan de “li dijî Lubnanê tedbîrên leşkerî yên dijwartir tên kirin.”
Rayedarê Îsraîlî yê ku nexwest navê xwe eşkere bike, diyar kir ku “dixwestin zirarê bidin Hizbullahê, lê nexwestin şerekî herêmî yê berfireh bidin destpêkirin.”
Êrîşa Mecdel Şems
Her wiha hat ragihandin ku di encama ketina rokêtê li qada futbolê ya bajarokê Mecdel Şems ê li Girên Golanê, zarok jî di nav de 12 kesan mirin û 17 jê giran 35 kes jî birîndar bûn.
Artêşa Îsraîlê diyar kir ku mûşek ji bakurê bajarokê Şeba li başûrê Lubnanê hatiye avêtin û ji êrîşê Hizbullaha Lubnanî berpirsyar dît.
Ji aliyê din ve Hizbullaha Lubnanî îdiayên ku dibêjin êrîşa Mecdel Şems ji aliyê wan ve hatiye kirin red kir û diyar kir ku “Ti têkiliya wan bi bûyerê re nîne”.
Serokwezîrê Îsraîlê Benjamin Netanyahu jî di daxuyaniya xwe ya der barê êrîşê de got:
“Îsraîl dê vê êrîşa kujer li hêlekê nenivîse. Hîzbullah dê berdêla ku heta niha qet nedaye bide.”
Êrişa li ser gundê Durzî, aloziya navbera Îsraîl û Hizbullahê zêde kir
