Piştî encamên hilbijartinan li Venezuelayê xwepêşandan derket, li welêt alozî gurtir bû.
Li ser wan bûyeran Serokdewletê Venezuelayê Nicolas Madoru diyar kir ku ewê nehêlin li welêt şerê navxweyî derkeve.
Her wiha bûyerên qewimîn Amerîkayê berpirsyar dît.
Serokdewletê Venezuelayê Nicolas Maduro li paytext Caracasê civîneke çapemeniyê li dar xist.
Nicolas Maduro anî ziman ku ew ê nehêlin li welêt şerê navxweyî dest pê bike, ji ber xwepêşanên ku piştî hilbijartina serokomariyê derketine.
Maduro diyar kir ku ji bo çalakgerên xerab ên ku dibin sedema tundiyê û ew dizanin ku kî wan fînanse dike tehamula wan nemaye.
“Wê Venezuela nekeve destê emperyalîzm û faşîzm”
Maduro destnîşan kir ku aboriya welêt hedef tê girtin û wiha got:
“Wê Venezuela nekeve destê emperyalîzm, faşîzm û sûcdaran. Em ê destûrê nedin ku li welêt şerê navxweyî dest pê bike.
Em dixwazin her tişt di çarçoveya destûra bingehîn de be. Em naxwazin ji bo şoreşê serî li rêyên din bidin.”
Maduro ji bûyerên li welêt Amerîkayê tawanbar kir
Maduro, diyar kir ku Amerîka ji bûyerên li kolanan bêyî ku navan bilêv bike sûcdar kir û got:
“Gel vê yekê dizane. Lê belê ger împaratorî bixwaze plana xwe ya sûc bike, em ê heta dawiyê welatê xwe biparêzin.
Em ê hemûyan biparêzin. Em çi bikin ji bo parastina karker, karmend, bazirgan û gelê me ye. Ez spasiya hêzên me dikim. ”
Maduro hin vîdeoyên protestoyan nîşanî endamên çapemeniyê da û diyar kir ku ew bi komployeke “kujer” û “pîs” re rû bi rû ne.
Maduro: Ez ti carî nebûme ajanê CIA û dê nebim
Madûro diyar kir ku ew ê hemû girtekên ku di destê wan de ye derbarê encamên hilbijartinê de eşkere bikin û got:
“Divê em hîna çiqas delîlên din pêşkêş bikin? Çima hûn dixwazin welatekî bikişînin nav şer?
Çima ev kampanyaya li dijî Venezuelayê? Tirsa min ji derewan tune ye.
Ez ji bo rastiyan re rû bi rû werim têm. Ez tu carî nebûme ajanê CIA û ez ê nebim.”
Maduro ji ber ku Amerîka li welatê xwe aloziyê derdixe sûcdar kir û got:
“Berpirsyarê şer û kuştinên li Afganîstan, Lîbya û Iraqê hûn in.”
