Li bakur û başûrê Hindistanê lehî û şemîtîna axê rû dide.
Li bakurê hindistanê ji ber lehiyê 20 kes mirin, başûrê welêt jî di şemîtina axê de hejmara miriyan derket 256 kesan.
Li welêt xebatên lêgerîn û rizgarkirinê didomin.
Li gorî nûçeya India Today, Wezîra Tenduristiyê yê Eyaleta Kerala Veena George diyar kir ku xebatên rizgarkirinê ji bo zêdetirî 220 kesên ku piştî şimitîna axê winda bûne bênavber berdewam dikin.
Veena George diyar kir ku di karesata ku ji ber şemîtîna axê derket de hejmara miriyan derket 256’an û herî kêm 200 kes jî birîndar bûn.
Hat ragihandin ku zêdeyî hezar û 100 personelên lêgerîn û xilaskirinê di şimitîna axê de cih girtin.
Rayedaran dibêjin Kerala bi yek ji xirabtirîn karesatên xwezayî re rû bi rû ye.
Ji ber şemitîna axê hejmara miriyan derket 256’an
Piştî hilweşîna pireke li herêma ku zirar dîtibû, hat ragihandin ku li eyaletê hezar û 500 leşker hatine erkdarkirin û artêşa Hindistanê dest bi çêkirina pireke demkî kiriye.
Hat ragihandin ku zêdeyî 8 hezar û 300 kesên ku ji ber karesata li eyaletê mexdûr bûne, ji bo 82 kampên alîkariyê hatin veguhestin û hikûmetê erzaq û pêdiviyên bingehîn da van kampan.
Li eyaleta Keralayê di encama barana zêde ya di 30’ê Tîrmehê de şimitî û binesazî û rê zirareke mezin dîtibûn.
Li gundê Çoral-mala yê ku zirar dîtibû 200 xanî hilweşiyan.
Li Bakurê Hindistanê jî lehî rabû
Li aliyê din li gorî nûçeya Hindustan Times, lehiya ku ji ber barana zêde li eyaleta Delhiyê, jiyan rawestiya.
Wezareta Meteorolojiyê ya Hindistanê (IMD) ji bo Delhiyê “hişyariya sor” da.
Wezaretê hişyarî da niştecihên eyaletê ku ji rêwîtiya nehewce dûr bisekinin û ji bo demekî malên xwe neterikînin.
Barana zêde bandor li trafîka hewayî jî kir.
Herî kêm 10 balefirên ku dihat payîn ku li Delhiyê dakevin ber bi bajarên Jaipur û Lucknow ve hatin veguhestin.
Di lehiyê de herî kêm 20 kes mirin
Li eyaletê ji ber barana zêde û lehiyê 7 kes mirin.
Li eyaletên Himachal Pradesh û Uttarakhand hişyariya birûskê
Serokwezîrê Uttarakhand Pushkar Singh Dhami daxuyanî da rojnamevanan û diyar kir ku ji ber şimitîna axê ya ku li Uttarakhandê ji ber barana zêde rabû herî kêm 10 kes mirin.
Dhamî destnîşan kir ku li herêmê gelek rê zirar dîtine û pir jî hilweşiyane û xebatên sererastkirinê jî hatine destpêkirin.
Li Hîmaçal Pradeşê ji ber lehiya ku ji ber barana zêde rabû 3 kes mirin û 40 kes jî winda bûn.
