Vladimîr Zelenskiy anî ziman ku Ukrayna beriya ku bigihêje sînorên sala 1991’ê amade ye bi Rûsyayê re danûstandinan bike.
Li gorî Zelenskiy, aştiyeke adil ji bo Ukraynayê tê wateya vegerandina hemû yekparçeyiya axê.
Li aliyê din Neteweyên Yekbûyî diyar kir ku ji Sibata 2022’yan vir ve zêdetirî 32 hezar û 100 sivîl li Ukraynayê kuştî û birîndar jî di nav de hene.
Vladimîr Zelenskiy anî ziman ku Ukrayna beriya ku bigihêje sînorên sala 1991’ê amade ye bi Rûsyayê re danûstandinan bike.
Dibe ku ev yek di dema civîna duyemîn a aştiyê de pêk were.
Zelenskiy ji medyaya Fransî re axivî û got:
“Piraniya welatên cîhanê di wê baweriyê de ne ku divê nûnerên Rûsyayê di civîna duyemîn a aştiyê de hebin, eger nebe em ê nikaribin encamên bihêz bi dest bixin.
Ez naxwazim Rûs rê li ber pêvajoya me ya amadekirina plana aştiyê bigirin, em ê amade bikin û dê li ser masê be.
Heger hemû cîhan dixwaze Rûs li ser maseyê bin, em ne li dijî vê yekê ne, ji ber ku ji bo me girîng e ku wan rawestînin.”
Li gorî Zelenskiy, aştiyeke adil ji bo Ukraynayê tê wateya vegerandina hemû yekparçeyiya axê.
Serokê dewletê di wê baweriyê de ye ku daxwaza gelê Ukraynayê ji bo lidarxistina referandumê li ser îhtîmala tawîzkirina erdan ji Rûsyayê re pêwîst e.
NY: Ji destpêka şerê li Ukraynayê 32 hezar 100 sivîl hatin kuştin
Li aliyê din Neteweyên Yekbûyî diyar kir ku ji Sibata 2022’yan vir ve zêdetirî 32 hezar û 100 sivîl li Ukraynayê kuştî û birîndar jî di nav de hene.
Bi taybetî jî zêdeyî 6,5 milyon kes wek penaber welatê xwe terikandine û 3,5 milyon kes jî li hundur bûne penaber.
Ji Sibata 2022, zêdetirî 32 hezar 100 qurbaniyên sivîl, di nav de mirî û birîndar, li seranserê Ukraynayê hatine tomar kirin.
Neteweyên Yekbûyî diyar kir ku ji sedî 92’yê mirina sivîlan di encama bikaranîna çekên teqemenî yên bi rûbereke mezin a zirarê de ye û ji sedî 4 jî di encama teqîna mayînan de pêk hatiye.
Hezar û 742 êrîşên li ser navendên bijîşkî hatin piştrastkirin, ku di encamê de 136 mirin û 311 birîndar bûn.
Bûyerên belgekirî yên tundiya zayendî hene ku ji hêla artêşa Rûsyayê ve li dijî mirovên ji zayendên cûda yên di navbera 3 û 70 salî de hatine kirin.
Wekî din, Ukrayna ji ber mayin û teqemeniyên din bû yek ji welatên herî qirêj ê cîhanê.
Ev rewş jiyan û tenduristiya 6,37 mîlyon mirovî dixe xeterê.
Mayîn bi taybetî bandor li cotkaran kir; Ji Sibata 2022’yan û vir ve 128 ji cotkaran mirin.
Wekî din, mayîn ji bo zarokan xeternak e.
