Şefê faşîst Erdogan di rojên dawî de qaşo ketiye xema gelê Filistînê, dijî Îsraîlê daxuyaniyên tund dide.
Erdogan bi van daxuyaniyan tenê hewil dide raya giştî bixapîne.
Tirkiye xwe li dijî Îsraîlê nîşan dide, lê bi Îsraîlê re di nava bazirganiyekî kûr de ye.
Bi belge eşkere bû ku dewleta Tirk parçeyên balafirên bê-mirov ji Îsraîlê digire.
Hevkariya Tirkiyê ya bi Îsraîlê re her ku diçe zelal dibe û rûyê rast yê Serokomarê Tirkiyê şefê faşîst Recep Tayîp Erdogan jî radixe ber çavan.
Şefê faşîst Erdogan di van rojên dawî de, bi daxuyaniyên xwe yên li dijî Îsraîlê hewil dida raya giştî bixapîne.
Li aliyekî Erdogan dibêje, “emê êrişî Îsraîlê bikin” li aliyê din jî alîkariyê ji Îsraîlê digire û di nava bazirganiyê de ye.
Parçeyên balafirên bêmirov yên dewleta Tirkiyê ji Îsraîlê tê
Ajansa Rojnews’ê belgeyên alîkariya Îsraîl bo Tirkiyê belav kirin.
Duh gerîlayên azadiyê, li navçeya Pênciwên ya ser bi Silêmaniyê, balafirek bê mirov ya dewleta Tirk a dagirker xistin xwarê.
Rojnews’ê jî dîmenê wê balafira bêmirov bi raya giştî re parvekir.
Li gorî wêneyan di nav parçeyên balafirê de, markeyek Îsraîlî jî hene.
Ev yek jî bi eşkereyî radixe berçavan ku dewleta Tirk herçiqasî xwe weke dijberê Îsraîlê nîşan bide jî, di rastiyê de ne wisa ye.
Erdogan bin navê alîkariya Filistînê de, temenê desthilata xwe dirêj bike
Tevî hemû belgeyan jî Erdogan her roj li ser mîkrofonan û zindî gefan li Îsraîlê dixwe û hewil dide xwe weke dostê gelê Filîstînê nîşand bide.
Di nava çend rojên borî de jî, Erdogan gef li Îsraîlê xwar û got:
“Eger Tirkiye welatekî bihêz be, Îsraîl nikare van tiştên niha bîne serê Filîstînê.
Me li Karabag û Lîbyayê çi kir emê dê li wan jî bikin.”
Piştî van gotinên Erdogan, beriya çend rojan 4 keştiyên bazirganiyên yên dewleta Tirk gihiştin Îsraîlê.
Bi gotineke din, bazirganiya Erdogan ya bi Îsraîlê re bi hemû hêza xwe dewam dike.
Xuyaye ku Erdogan di bin navê şerê li dijî Îsraîlê de hewil dide ji gel alîkarî werbigire û bi vê re temenê desthilata xwe dirêj bike.
