Li Venezeuleyê ji ber encamên hilbijartinê bertek li gelek aliyan didomin.
Koçberên Venezuelayî yên li Şiliyê bertek nîşanî hilbiartina Maduro dan.
Her wiha Konseya Yekîtiya Ewropayê daxuyaniyek weşand û diyar kir ku wê serketina Maduro ji ber ‘kêmaniya delîlan’ nas neke.
Di hilbijartinên serokomariyê yên ku di 28’ê Tîrmehê li Venezuelayê hatin kirin da Nicolas Maduro bi rêjeya ji sedî 51,20 cara sêyemîn di hilbijartina serokomariyê da bi ser ket.
Muxalefetê di 29’ê Tîrmehê de daxuyanî da û îdia kir ku daneyên Encumena Hilbijartinê ya Neteweyî ne rast in û encam sexte ne.
Koçberên Venezuelayî li Santiagoya paytexta Şîlî kom bûn û ji bo bertek nîşanî hilbijartinên giştî yên li welatê wan ku di encamê de Nicolas Maduro bi ser ket, xwepêşandanek li dar xistin.
Koçberên Venezuelayî yên li Şîliyê bertek nîşanî hilbijartina Maduro dan
Li aliyê din alîgirên Maduro gotin ku ew demokrasiyê diparêzin.
Li gorî komên cuda yên parêzvaniyê, di nav wan de Rêxistina Çavdêriya Mafên Mirovan a DYA’yê jî heye di xwepêşandanên piştî hilbijartinê de heta niha 20 kes hatine kuştin.
Li gorî hikûmetê, nêzîkî hezar û 200 kes di xwepêşandanan de hatin girtin.
Yekîtiya Ewropayê ji ber kêmaniya delîlan serketina Maduro nas nake
Her wiha Konseya Yekîtiya Ewropayê daxuyaniyek weşand û diyar kir ku wê serketina Maduro ji ber ‘kêmaniya delîlan’ nas neke.
Di daxuyaniyê de hate gotin:
“Konseya Hilbijartinê ya Neteweyî ya Venezuelayê (CNE) tevî ku soza vê yekê da jî hîn raporên navenda hilbijartinê yên fermî ne weşandiye.
Ji ber ku nebûna delîlên ku vê yekê piştrast dikin, encamên ji aliyê Konseya Hilbijartinê ya Neteweyî ya Venezuelayê-CNE ve di 2’ê Tebaxê de hatin weşandin, nayên naskirin.”
Lê belê berevajî Amerîka û hin welatên din, Yekîtiya Ewropayê xwe neda ber naskirina serketina namzetê muxalefetê Edmundo Gonzalez.
Maduro helwestên Borell li ser hilbijartinê şermezar kir
Ji aliyê din ve serokdewletê Venezûelayê Nicolas Maduro bertek nîşanî Josep Borell da.
Nicolas Maduro welatên Yekîtiya Ewropayê û berpirsê siyaseta derve Josep Borrell ên ku daxwaza piştrastkirina encamên hilbijartinê kirin, şermezar kir.
Piştî daxuyaniya ku roja Yekşemê ji aliyê Konseya Yekîtiya Ewropayê (YE) ve hat weşandin, bang li Venezuelayê hat kirin ku encamên hilbijartinên serokatiyê bi “serbixwe verast bike”.
Venezuella-Maduro di hilbijartina serokkomariyê de biser ket
