Artêşa Îsraîlê li başûrê Libnanê êrîşa hewayî pêk anî û di encamê de 5 kesan mirin.
Di nûçeya ajansa fermî ya Lubnanê NNA de hat ragihandin ku li Meyfadûn û Hiyamê bi balafirên şer êrîşên li pey hev hatine kirin.
Ji aliyê din ve Îsraîlê ragihand ku duh yek ji fermandarên yekîneya Hizbullah Ridvan a Lubnanê Elî Cemaleddîn Cewad hatiye kuştin.
Artêşa Îsraîlê li başûrê Libnanê êrîşa hewayî pêk anî.
Wezareta Tenduristiyê ya Lubnanê derbarê qurbaniyên êrîşên Îsraîlê de daxuyaniyek belav kir.
Di daxuyaniyê de hat diyarkirin ku di êrîşa hewayî ya li bajaroka Meyfadûn a Lubnanê de li ser malekê 5 kesan mirin, di êrîşa li ser bajarokê Hiyamê de kesek jî birîndar bûne.
Têkildarî nasnameya kuştî û birîndaran agahiyên zelal nehatin bidestxistin.
Di nûçeya ajansa fermî ya Lubnanê NNA de hat ragihandin ku li Meyfadûn û Hiyamê bi balafirên şer êrîşên li pey hev hatine kirin.
Hizbullahê jî li ser hesabê xwe yê fermî yê Telegramê derbarê êrîşên xwe yên li ser Îsraîlê de daxuyanî da.
Di daxuyaniyê de hat destnîşankirin ku wargeha Avivim, bi çekên guncav hatiye xistin û Baregeha Leşkerî ya Bîrket Rişe jî bi moşekên Burkan ên Îranê hatiye xistin.
Di êrîşa Îsraîlê de 5 kesan mirin
Di êrîşa Hizbullaha Lubnanê ya li dijî baregeheke leşkerî ya li bakurê Îsraîlê de 2 kes birîndar bûn.
Alarma êrîşê li herêma Celîlê ya Rojava ya li bakurê Îsraîlê, li bajarên Akka û Nehariya yên peravê hatin lêxistin.
Di dema ku şêniyên herêmê ragihandin ku nuqteyeke di navbera bajarên Akka û Nehariyê de hatiye hedefgirtin û dengê teqînekê hatiye bihîstin, dûman ji bajarê Heyfayê bilind dibe.
Rojnameya Îsraîl Hayom ragihand ku cihê ku balafira bêmirov lê ket baregeheke leşkerî bû.
Hizbullahê di daxuyaniya xwe ya li ser hesabê xwe yê fermî yê Telegramê da diyar kir ku li bakurê Îsraîlê Baregeha Tugaya Golaniyê ya li Akkayê û Baregeha 621’emîn a Yekîneya Egozê ya li Baregeha Şaragayê bi wesayîteke hewayî ya kamikaze hedef girtin.
Di daxuyaniya xwe de artêşa Îsraîlê îdia kir ku di êrîşa bi balafirên şer a li ser maleke li başûrê Lubnanê de çekdarên Hizbullahê bûne hedef.
Îsraîl: Fermandarekî Hizbullahê hat kuştin
Ji aliyê din ve Îsraîlê ragihand ku duh yek ji fermandarên yekîneya Hizbullah Ridvan a Lubnanê Elî Cemaleddîn Cewad hatiye kuştin.
Berdevkê artêşa Îsraîlê Avichai Adraee di daxuyaniya xwe ya li ser platforma “X”ê de wiha got:
“Balafireke Hêzên Esmanî li herêma Aba bombebaran kir û Fermandarê Hêza Ridvan a Hizbullahê Elî Cemaledîn Cewad bêbandor kirin.
Her wiha avêtin ser avahiyeke leşkerî. Li Kefer Kila jî avahiyeke Hizbullahê hatin xistin.”
Adraî wiha berdewam kir:
“Ev armanc dê bandorek mezin li qebîliyeta Hizbullahê bike ku ji başûrê Lubnanê êrîşan li dijî eniya navxweyî ya Îsraîlê li ser sînorê bakur bike.”
