Di 305 rojên şerê Îsraîl û Hemasê de hejmara miriyan gihişt 39 hezar û 653 kesan.
Her wiha Heyva Sor a Filistînê ragihand ku li bajarê Cenînê 2 wesayît hatin armanckirin.
Li aliyê din artêşa Îsraîlê ragihand ku Wezîrê Aboriyê yê Hamasê Abid El-Sariyi li Xezeyê hatiye kuştin.
Wezareta Tenduristiye ya Filistine ve li Xezayê bîlançoya dawî ya şerê Îsraîl-Hemasê ya 305 rojin didome parve kir.
Di daxuyaniyê de hat diyarkirin ku êrîşên artêşa Îsraîlê ya 24 saetên dawîn de 30 kes mirin û 66 kes jî birîndar bûn.
Her wiha Wezaretê ragihand ku ji destpêka şer ve hejmara miriyan derket 39 hezar û 653’yan û hejmara birîndaran jî derket 91 hezar û 535’an.
Di daxuyaniyê de her wiha hate gotin ku hîn jî di bin xirbeyan û li kêleka rê de cenaze hene.
Lê ji ber astengiya hêzên Îsraîlî tîmên tenduristiyê û rayedarên parastina sivîl nikarin xwe bigihînin cenazeyan.
Artêşa Îsraîlê li Cenînê 2 wesayît bombebaran kir
Di daxuyaniya nivîskî ya ku ji aliyê Heyva Sor a Filistînê ve hat dayîn de hat diyarkirin ku li bajarê Cenînê 2 wesayît hatin armanckirin.
Di daxuyaniyê de hat diyarkirin ku di êrîşê de 4 kes mirin û 3 kes jî birîndar bûne.
Artêşa Îsraîlê li Kampa Penaberan a Cenînê dor li hin malên bajêr girtin û avêtin ser gelek taxên bajêr.
Di encama bombebaranê de 4 kes mirin
Li Kampa Penaberan a Cenîn, ku artêşa Îsraîlê hêzên teqwiye şandibû, dem bi dem dengên pevçûn û teqînan dihatin.
Her wiha wesayîtên giran ên artêşê li bajar û kampa penaberan jî zirar dane binesaziyê û wesayîtan.
Artêşa Îsraîlê piştî zextên 20 saetan ji bajarê Cenîn û Kampa Penaberan a Cenînê vekişiya.
Leşkerên Îsraîlê di êrîşa duh a li bajarê Cenînê de 5 Filistînî birîndar kirin.
Îsraîl: Wezîrê Aborî yê Hemasê hat kuştin
Li aliyê din artêşa Îsraîlê ragihand ku Wezîrê Aboriyê yê Hamasê Abid El-Sariyi li Xezeyê hatiye kuştin.
Îsraîlê îdia dike ku Wezîrê Aboriyê hewl daye kontrola alîkariyên mirovî yên ku digihêjin Xezeyê bi dest bixe.
Îsraîl her wiha îdia dike ku El Sariyi berpirsê belavkirina sotemenî, gaz û pereyan a ji bo armancên terorê ye.
Lê îdiayên artêşa Îsraîlê ji aliyên serbixwe ve nehatin piştrastkirin.
Hêzên Îsraîlê li Şerîa Rojava herî kêm 16 Filistînî binçav kirin
Ji aliyê din ve hat ragihandin ku hêzên Îsraîlî li Şerîeya Rojava herî kêm 16 Filistînî binçav kirine.
Ji aliyê Cemiyeta Girtiyên Filistînî ya girêdayî Rêxistina Rizgariya Filistînê ve derbarê serdegirtin û binçavkirinan de daxuyanî hat dayîn.
Di daxuyaniyê de hat diyarkirin ku hêzên Îsraîlê li bajarên Hebron, Beyt-lehem, Cenîn, Tubas, Ramallah, Qelqilya û Nablusê herî kêm 16 Filistînî hatin binçavkirin.
Di daxuyaniyê de wiha hat gotin:
“Ji 7ê Cotmeha 2023’yan vir va hejmara Filistîniyên ku hatin binçavkirin derket 9 hezar û 970’î.”
