Hêzên Rizgariya Efrînê bi daxuyaniyekê nasnameya 2 şehîan eşekre kir.
HRE’yê diyar kir ku hevrê yê wan Botan û Behdîna li hemberî dagirkeriyê têkoşînek bê hempa raber kirin û got: “Emê xwedî li têkoşîn û berxwedana şehîdan derkevin û soza armancên wan pêk bînin didin.”
Hêzên Rizgariya Efrînê bi daxuyaniyekê nasnameya 2 şehîdan eşkere kir.
HRE’yê li ser şahdeta 2 şervanan ev agahî da:
“Di dîroka 12’ê Tebaxa 2024’an de li herêma Efrînê, di navbera tîmeke me û dijminê dagirker de şer û pevçûn derket.
Di encama pevçûnê de rêhevalên me Botan û Behdîna Efrîn şehîd bûn.”
HRE’yê li ser têkoşîn û berxwedana şehîd Botan Efrîn wiha got:
“Hevrêyê me Botan, li bajarê Efrînê, di nava malbatekî bi çanda welatparêzî û Kurdayetiyê ve girêdayî tê mezinkirin.
Di temenê xwe yê ciwantiyê de rastiya dijminê ferq dike.
Ji ber van sedeman berê xwe dide nava refên şoreşê.
Ji destpêka şoreşê de li hember çeteyên dagirker û hov ên ku para xwe ji mirovahiyê negirtine di cih û demên cûda de bi erk û wezîfeyên şoreşê radibe.
Rêheval Botan ji roja ku tevlî bûye bi ked û fedakariya xwe ve têkoşînekî bê hempa raber kir.
HRE’yê li ser têkoşîna şehîd Behdîna Efrîn jî diyar kir ku
“Hevrê Behdîna Efrîn jî li bajarê Efrînê di malbatekî girêdayî çand û kevneşopiya xwe ve mezin dibe.
Di temenê zaroktiyê de, ji ber tevlîbûna malbatê ê nava refên têkoşîna azadiyê nas dike.
Dema ku şoreşa azadiyê ya Rojava destpê kir, ew jî berê xwe dide nava refên şoreşê.
Ji pêngava rizgarkirina Şehba heta şerê Berxwedana Serdemê cihê xwe di çeperên berxwedan û rûmetê de digire.
Hevrê Behdîna ji roja ku tevlî bûye heya kêliya xwe ya dawî erk û peywirên ket li ser milê xwe pêk anî.
Hevrêyên me Behdîna temenê xwe yê ciwantiyê yê herî bedew ve diyarkir ku êrîşa dijmin ên li ser nirxên me ji ku derê tê bila bê wê ciwanên xwedî bi rûmet li wê derê bin.”
HRE’yê herî sersaxî ji malbatê şehîdan û gelê kurdistanê re xwest û soza pêkanîna armancên şehîdan da.
Agahiyên derbarê nasnameya şehîdan de wiha ye:
Nasnav: Botan Efrîn
Nav û Paşnav: Ebdirehman Ehmed
Navê Dayikê: Fatme
Navê Bav: Mihemed
Cih û Dîroka Şehadetê: Herêma Efrînê / 12’ê Tebaxa 2024
Nasnav: Behdîna Efrîn
Nav û Paşnav: Mihemed Tenbel
Navê Dayikê: Emîne
Navê Bav: Mihemed
Cih û Dîroka Şehadetê: Herêma Efrînê / 12’ê Tebaxa 2024
