Artêşa Ukraynayê ragihand ku di operasyona ku li herêmên Kursk û Belgorodê dewam dike da 74 wargehên Rûsyayê bi dest xistine.
Li herêma Belgorod a cîran ku rewşa awarte lê hatiye ragihandin jî pevçûn dijwar dibin.
Ji aliyê din ve, rêveberiya Kîevê ji ber zêdebûna “çalakiyên sabotajê” yên li Sumî, qedexeyên çûn û hatinê sepand.
Artêşa Ukraynayê ku sêşema borî sînorê Rûsyayê derbas kir û êrîş bir ser herêma Kurskê, lez da pêşdeçûna xwe.
Artêşa Ukraynayê ku di heman demê de operasyona xwe ya ketina nav Belgorodê pêk anî.
Artêşa Ukraynayê ragihand ku bi giştî 74 wargehên Rûsyayê di bin kontrola wan de ne.
Sererkanê Giştî Oleksandr Sırskiy ku bi vîdeoyî bi Serokomarê Ukraynayê Volodymyr Zelenskiy re hevdîtin kir.
Oleksandr Sırskiy derbarê rewşa meydanî de agahî da, diyar kir ku leşkeran di 24 saetên dawîn de ji yek heta sê kîlometreyan li aliyên cuda pêş de çûne.
Zelenskiy li ser Telegramê daxuyaniyek da û got:
“Di bin kontrola Ûkraynayê de 74 bajarok hene. Li van deveran tedbîrên aramiyê têne bicihanîn.”
Zelenskiy diyar kir ku ‘bi sedan’ Rûs dîl hatine girtin.
Waliyê Kurskê Aleksey Smirnov roja Duşemê anî ziman ku leşkerên Ukraynayê 12 kîlometre dûrî sînor ketine û 28 cih girtine.
Wezareta Parastinê ya Rûsyayê ragihand ku wan bi şev 4 moşekên Ukraynayê û 37 balafirên bêmirov li ser Kurskê xistine xwarê.
Li Belgorodê rewşa awarte hat ragihandin
Li herêma Belgorod a cîran ku rewşa awarte lê hatiye ragihandin jî pevçûn dijwar dibin.
Waliyê herêmê VIyaçeslav Gladkov got:
“Li herêmê ji ber guleyên topên Ûkraynayê rewş gelekî zehmet e. Mal hilweşiyan, sivîl mirin.”
Ji ber êrîşan tenê li Kurskê zêdeyî 120 hezar Rûsî ji cih û warên xwe bûn.
Qedexeyên çûn û hatina li Sumî
Wezareta Karên Derve ya Ukraynayê diyar kir ku ew bi axên Rûsyayê yên hatine desteserkirin re eleqedar nabin û eger Rûsya aştiyê qebûl bike dê dawî li êrîşê bînin.
Di daxuyaniyê de hat gotin:
“Rûsya çiqas zûtir aştiyê qebûl bike, dê çalakiyên artêşa Ukraynayê yên li ser axa Rûsyayê zûtir biqede.”
Ji aliyê din ve, rêveberiya Kîevê ji ber zêdebûna “çalakiyên sabotajê” yên li Sumî ya xaka Ukraynayê ya li kêleka Kursk û Belgorodê, qedexeyên çûn û hatinê sepand.
Ukrayna berê jî operasyonên ketina nav Rûsyayê pêk anîbû û paytext Moskowê bi balafirên bêmirov kiribûn hedef.
Lê operasyona Kurskê ji destpêka şer û vir ve êrîşa herî mezin a li dijî Rûsyayê bû.
Serokê Rûsyayê Vladimîr Pûtîn anî ziman ku armanca Ukraynayê ew e ku di nava Rûsyayê de aloziyan çêbike û di danûstandinên pêşerojê de pozîsyona xwe baştir bike û wiha got:
“Em ê leşkerên dijmin ji herêmê derxînin.”
