Etna ku yek ji volkanên çalak ên li başûrê Îtalyayê ye, dîsa agir barand.
Xweliya ku ji volkanê derketiye bi qasî 9,5 kîlometreyan bilind bûye.
Li Balafirgeha Cataniya ya ku li nêzî volqan e, heta êvarê seferan hatin rawestandin.
Şeva borî li Çiyayê Etnayê ku li girava Sîcîlyayê bi qasî 3 hezar û 300 metre bilind e, li tevgera volkanîk a ku di hefteyên dawî de hat dîtin, tevgereke nû ya volkanîk hat zêdekirin.
Li gorî daxuyaniya ji aliyê Îstasyona Çavdêriyê ya Etnayê ya Enstîtuya Neteweyî ya Jeofîzîk û Volkanolojiyê ya Îtalyayê ve hat dayîn, volqan duh êvarê dest bi avêtina xwelî û agirê kir.
Voragine, yek ji kiraterên volkanê yên vê dawiyê çalak e, xwelî û herikîna lavayê li vir hat dîtin.
Xweliya ku ji volkanê derketiye bi qasî 9,5 kîlometreyan bilind bûye.
Di nûçeyên ku di çapemeniya herêmî de hatin weşandin, hat diyarkirin ku xweliyên ku ji Etnayê dibariyan bi zozanên li bintara volkanê ketine û li hin cihan xebatên paqijkirina xweliyan dewam dikin.
Ji ber teqîna Çiyayê Etnayê firîn hatin rawestandin
Her wiha avêtina xwelî ya tund a Etna bandorek neyînî li veguhestina hewayî jî kir.
Di daxuyaniya nivîskî ya Balafirgeha Cataniya ya ku li nêzî volqan e, hat diyarkirin ku ji ber teqîna volkanê ya li Etnayê balafirgeh heta saet 18’an ji seferan re qedexe ye.
Di daxuyaniyê de hat diyarkirin ku ji ber xweliyek mezin li balafirgehê ketiye pîsta bêkêr bûye û ji ber vê yekê hem daketin û hem jî rabûn hatine sekinandin.
Balafirên ku gihîştin Cataniya ber bi Palermo, yek ji balafirgehên herî nêzîk ên herêmê ve hatin rêkirin.
Hat diyarkirin ku dema şert û mercên binesaziyê yên li balafirgehê baş bibin dê sefer ji nû ve dest pê bikin û dibe ku ev yek piştî saet 18’an pêk were.
Çiyayê Etnayê herî dawî di 4’ê Tebaxê de teqiya.
Çalakiya dawî a volkanîk a şeva borî 6’emîn teqîna volkanê ya ji Tîrmehê vir ve bû.
Çiyayê Etnayê, li Parzemîna Ewropayê volkana herî çalak e.
