Rayedarên Ukraynayê ragihandin ku hêzên Rûsyayê êrîşî binesaziya bendera bajarê Odessa ya li başûrê Ukraynayê kirin.
Hejmara kesên ku li Rûsyayê di encama operasyona ketina Ûkraynayê de ji cih û warên xwe derketin 200 hezarî derbas kir.
Piştî Kursk, ji Belgorodê rewşa awarte ya federal hat ragihandin. Artêşa Rûsyayê hewl dide ku ji nû ve kontrol bike.
Rayedarên Ukraynayê ragihandin ku hêzên Rûsyayê êvara çarşemê êrîşî binesaziya bendera bajarê Odessa ya li başûrê Ukraynayê kirin û herî kêm 2 kes birîndar bûn.
Li gorî nûçeya Reutersê, dozgeriyê di daxuyaniyekê de bi rêya Telegramê ragihand ku di êrîşê de karmendekî benderê û ajokarê tankera genim birîndar bûne.
Waliyê herêmê Oleh Kiper ragihand ku hêzên Rûsyayê di êrîşê de mûşekên balîstîk bikar anîne.
Binesaziya bendera Ukraynayê rastî êrîşên Rûsî yên dubare hat ji dema ku Rûsya havîna borî ji peymanek îmzekirî ya Neteweyên Yekbûyî vekişiya ku teqeziya şandina bi ewle ya genimê Ukraynayê dike.
Dûv re Kiev ji bo bar-kêşiyê riya xwe ya deryayê ava kir.
Rûsya piştî Kurskê li Belgorodê rewşa awarte ragihand
Her wiha operasyona ketina hundir a ku artêşa Ukraynayê di 6’ê Tebaxê de li dijî herêma Kurskê dabû destpêkirin didome.
Hate diyarkirin ku pevçûn 18 kîlometre kûrahiya sînor berdewam dikin.
Wezareta Rewşa Awarte ya Rûsyayê ragihand ku li herêma Belgorodê di asta federal de rewşa awarte hat ragihandin.
Wezîr Aleksandr Kurenkov got:
“Rewşa li herêmê aloz e. Di encama êrîşa hêzên çekdar ên Ukraynayê de, cih û warên şêniyan ziyan gihîşt binesaziyê, hemwelatî mirin û birîndar bûn.”
Di dema ku operasyona ketina Ukraynayê berdewam dike, derxistina sivîlên Rûs berdewam dike.
Waliyê Kurskê Aleksey Simîrnov ragihand ku gundê Giluşkov ku 20 hezar nifûsa wê heye jî hatiye valakirin.
Bi vî awayî hejmara sivîlên Rûs ên ku di encama operasyona ketina Ûkraynayê de ji cih û warên xwe bûn, 200 hezarî derbas kir.
Bombebarana artêşa Rûsyayê
Ji aliyê din ve artêşa Rûsyayê ku di destpêkê de ji bo operasyona ketina hundir bê amade bû, hewl dide ku kontrola xwe ji nû ve bigire.
Wezareta Parastinê ya Rûsyayê ragihand ku wan gelek balafirên bêmirov ên Ûkraynayê li ser Bel-goroda ser bi Kurskê xistine xwarê.
Balafireke Rûsî jî li çeperên Ukraynayê yên li Kurskê xist.
Herêmên Kursk û Bel-gorodê wekî “herêmên têkoşîna li dijî terorê” hatin îlankirin.
Ev yek derfetê dide artêşê ku di nav axa Rûsyayê de operasyonên berfireh pêk bîne.
