Bi boneya salvegera êrişên di meha Tebaxê de ku li ser civaka Êzidî hatîn pêkanîn, Endamên Rêveberiya Xweser a Şengalê û TAJÊ diyarkirin ku çawa beriya 9 salan wan ji bo parastina baweriya xwe bedel dane, ew amadene hîn jî bedela bidin, lê tu carî dest ji dijmin re danaynin û gotin:
“Di dîrokê de dijmin herdem di vê mehê de li ser me êrişa pêktîne, dixwazin gelê me qir bikin.”
Endamên Rêveberiya Xweser a Şengalê û TAJÊ têkildarî komkujî û êrişên di meha Tebaxê ser civaka Êzidî hatîn pêkanîn axivîn.
“Ger dijmin çiqas êrişan li ser me pêkbîne, em dev ji vê baweriyê bernadin”
Endamê Meclisa Xweseriya Şengalê Heso Îbrahîm di destpêka axaftina xwe de diyar kir ku ne tenê di van salan de, heta ji dîrokê ve herdem di vê mehê de dijmin civaka me kirye hedef û xwestiye tune bike û got:
“Raste me di vê mehê de gelek pêşengên pir hêja ji dest dan, lê me ev kes bê sedem ji dest ne dan.
Wan pêşengtî ji gelê me re kirin, ji bo em bikarain bi bîr û baweriya xwe jiyan bikin.
Ger dijmin çiqas êrişan li ser me pêkbîne, em dev ji vê baweriyê bernadin û tu carî lihember planên dijmin serî natewînin.
“Em tu carî ji van êrîşan natirsin ji ber ku îro em xwedî hêz û îradene”
Hevseroka Meclisa Gel a Şengalê Emşê Korkorkî behsa plan û êrişên li ser civaka Êzidî û pêşengên wê kir û wiha pê de çû:
“Bi hevkariya Kazimî li ser Hevalê Seîd êriş pêkanîn û şehîd kirin.
Di heman demê de li ber çavê tevahiya cîhanê li ser nexweşxaneya Sikêniyê êriş pêkanîn û xebatkarên me yên ku xizmeta civaka xwe dikirin bûn hedef.
Lê em ji van êrişa natirsin û wê tu kes nikaribe carek din me bike koleyê xwe. Ji ber ku îro em xwedî hêz û îradene.”
“Divê xelkê me bi xwe fêm bikin û li ser axa xwe vegerin”
Hevserokê Meclisa Gel a Sinûnê Seydo Elî jî derbarê heman mijarê de axivî û wiha anî ziman:
“Di roja me ya îro de jî heman planên ku di salên derbazbûyî de li ser gelê me pêkdihatin û hîna dewam dikin.
Dijmin dixwaze me bi her awayî tine bike.
Niha jî hevdîtin û planên Iraqê bi dewleta Tirk re li ser Şengalê tên kirin.
Di van rojên dawî de planek din a siyasî li ser gelê me yê ku di nava kampên li Başûrê Kurdistanê de dan meşandin û carek din xelkê me reviya.
Lê pêwîste êdî xelkê me jî bi xwe fêm bikin û li ser axa xwe vegerin.
