Îsraîlê ragihand ku şerê bi Hamasê re ku di 7’ê Cotmehê de dest pê kiribû, ketiye qonaxeke nû.
Piştî êrîşên li ser Hizbullahê ya bi bikaranîna cihazên pêwendiyê û bêtelan, hêzên leşkerî ber bi sînorê Libnanê ve li bakur tên zêdekirin.
Wezîrê Parastinê Yoav Gallant ragihand ku hêzên leşkerî û hêzdarkirina çavkaniyan ber bi sînorê Libnanê ve li bakur hatine şandin.
Piştî teqîna cihazên pêwendiyê yên endamên Hizbullahê li Lubnanê, doh jî teqîna bêtêlan a êrîşên Îsraîlê tê dîtin û metirsiya ji ber belavbûna şer zêde dibe.
Ji aliyeke din ve şeva borî balefirên şer û topxaneyên Îsraîlê nuqteyên li başûrê Lubnanê kirin armanc.
Di daxuyaniya artêşa Îsraîlê da hat destnîşankirin ku di êrîşan de hedefên Hîzbullahê û depoyeke çekan hatiye xistin.
Êrîşa li dijî endamên Hizbullahê yên ku li Lubnanê bi kar tînin, pêk hat tenê çend demjimêran piştî ku Îsraîl ragihand ku ew ê şerê ku bi êrîşên Hemasê di 7’ê Cotmehê de dest pê kiribû berfirehtir bike û Hizbullah jî bigire nav xwe.
Di êrîşên ku tê texmînkirin ji aliyê Îsraîlê ve tên kirin de herî kêm 32 endamên Hîzbullahê mirin û zêdetirî 3 hezar kes jî birîndar bûn.
Gallant: Em di şer de derbasî qonaxeke nû dibin
Li gel ku derbarê teqînên cihazên pêwendiyê û bêtêlan de ji Îsraîlê ti daxuyanî nehat dayîn, peyamên ji bo Hîzbullahê hatin zêdekirin.
Wezîrê Parastinê Yoav Gallant ragihand, şerê li dijî Hamasê ku di 7’ê Cotmehê de dest pê kiribû, ketiye qonaxeke nû û bal kişandiye ser sînorê bakur.
Gallant da zanîn ku hêzên leşkerî û hêzdarkirina çavkaniyan ber bi sînorê Libnanê ve li bakur hatine şandin.
Tevî nakokiyên di navbera wan de, Îsraîl û Hizbullahê heta niha xwe ji nîqaşa şerekî mezin dûr xistine.
Xuya ye ku Îsraîl helwesta xwe guhertiye.
Vegera Îsraîliyan ya li Bakur wek şer hat ragihandin
Ragihandina du roj berê ya kabîneya ewlehiyê ya Îsraîlê ku gotibû, vegerandina Îsraîliyên ku ji ber êrişên Hizbullahê ji malên xwe derketine, wek gavek di vî warî de tê dîtin.
Serokwezîr Benjamin Netanyahu di daxuyaniya xwe ya duh de soz da ku Îsraîliyên ku hatine tehliyekirin vegerin malên xwe.
Nêzî 60 hezar Îsraîlî ku li bakurê Îsraîlê dijîn ji ber êrîşên Hîzbullahê ji cîranê Lubnanê hatin derxistin.
Hevdîtina bi nûnerê DYA’yê re aloz bû
Hat diyarkirin ku di navbera Netanyahu û nûnerê taybet ê Serokê Amerîkayê Joe Biden, Amos Hochstein de derbarê Lubnanê de hevdîtineke aloz pêk hatiye.
Di daxuyaniya Ofîsa Netanyahu ya derbarê hevdîtinê de hat gotin ku Serokwezîr ji Hochstein re gotiye”Heta ku rewşa ewlehiyê ya li bakur bi awayekî bi kok neyê guhertin, Îsraîlî nikarin vegerin malên xwe.”
