Ji ber şerê Îsraîl û Hizbullahê pêla koçberiyê destpêkir.
Tayîbetî jî gelek koçberên sûrî û malbat berê xwe didin herêmên sûriyê.
Îro jî, 3 malbatên sûrî derbasî herêmê bûn û li kampeka Eyn Îsayê bi cih bûn.
Li aliyê din Serokê Yekitiya ajokaran a Kantona Reqayê Hesen El Xabûr jî diyar kir ku hezar û 300 sûrî gihaştine kantona Reqayê.
Ji ber şerê navbera îsraîl û Hizbullahê rewş aloz dibe û pêla koçberiyê bi xwe re anî.
Bi destpêkirina êrişên Israîl ser Lubnanê re, Rêberiya xweser jî kest nava amadekariyan ji bo pêşwazîkirina penaberan.
Rêveberiya Xweseriya Demokratîk a Lubnanê 24’ê Îlonê ji bo penaberên sûriyî yên vedigerin herêmê, komîteyek ava kir.
Bi avakirina vê komîteyê êdî gelek kes berê xwe didin herêmên ewle tayibet bakur û rojhilatê Sûriyê.
Di vê çarçoveyê de, îro 3 malbatên sûriyeyî ji Lubnanê reviyane, gihaştin kampa koçberên Girê Spî ya li Eyn Îsayê.
Rêveberiya Kampê diyar kir ku her 3 malbat li gel xizmên xwe yên di nava kampê de, bi demkî hatine bicihkirin.
Koçberê bi navê Xelîl El Xelef diyar kir ku ji ber topbaranê tu ciheke ewle ji bo jiyanê nemaye û wiha domand:
“Em ji gundê Şir Kirak in ku ji aliyê dewleta Tirk ve hatiye dagirkirin.
Ji ber wê em nikarin biçin gund û niha nava kampê li gel xizmên xwe dimînin.”
Hevseroka Rêveberiya Kampê Ezîze El Hesen jî dibêje:
“Me bi awayekî demkî ew li kampê bi cih kirin, ji ber ku warên wan dagirkirî ne û tu cihekî din lê bi cih bibin tune ye.
Wê bi demkî li vir bimînin heta Rêveberiya Xweser biryarekê derbarê wan de dide.”
Ezîze destnîşan kir ku li gorî axaftinên malbatên îro gihaştine herêmê, texmîn dikin ku zêdetirî 150 malbat derbasî herêmê bibin.
1300 penaberên Sûrî ji Lubnanê derbasî kantona Reqayê bûn
Hemwextî vê jî Serokê Yekitiya Ajokaran a Kantona Reqayê Hesen El Xabûr jî diyar kir ku hezar û 300 sûrî gihaştine kantona Reqayê.
El Xabûr da zanîn ku gelek malbatên din ên ji Lubnanê vegeriyane, dê bigihêjin bajêr.
Hêjayî bi bîrxistinê ku Rêveberiya Xweser ragihandibû ku wan ji bo penaberan gelek erebe eyar kirine.
Her wiha koordîne navbera Desteya Kar û Barên Civakî û Nivîsgeha Xêrxwaziyê hat kirin ku ji Himsê û Şamê bighînin herêmê, navên wan qeyd bike û alîkariya pêwîst ji wan re pêşkêş bikin.
Rêveberiya Xweser: Em amedene pêşwaziya penaberê li Lubnanê bikin
