Endamê Konseya Rêveber a KCK’ê Xebat Andok komploya 9’ê Cotmehê nirxand û got,
“Hêzên komploger dixwestin Rêbertî bêbandor bikin, lê belê Rêber Apo îro li tevahiya cîhanê bûye rêberê bi milyonan mirovî.”
Endamê Konseya Rêveber a KCK’ê Xebat Andok Komploya Navneteweyî nirxand ku 9’ê Cotmeha 1998’an bi derxistina Rêber Apo ji Sûriyeyê destpê kir.
Xebat Andok şehîdên ‘Hûn nikarin Roja me Tarî bikin’ slav kir û got:
“Bêguman 26 sal ser komployê derbas bûn. Em dikevin sala 27’an.
Ji bo mirov ev komplo ji ber çi pêk hat fêm bike, yanî komplo li hemberî kê hate kirin, konjektur çi ye, çi bû, çi hate armanckirin ev hemû hev û du re girêdayî ne.
Wekî ku dixuye komplo li dijî Rêbertiya me pêk hat, lê Serokatiya me dema komplo li hemberî wî hate kirin Serokê PKK’ê bû.
Eşkere ye komplo di heman demê li hemberî PKK’ê hate kirin.
Gelê Kurd Serokatî wê demê weke Serokê xwe didît. Yanî Serokê gelê Kurd bû.
Wê çaxê di şexsê Serokatî de komplo li dijî gelê Kurd hate kirin ku em wek Kurdê azad pênase dikin.
Bi awayekî giştî dîsa Serokatiya me temsîliyeta bindestan dikir.”
Xebat Andok: Binavkirina vê komployê di lîteratura me de komploya mezin a gladyoyê ye
Andok diyar kir ku bi navkirina komployê, komploya gladyoye û ev yek mgot:
“Binavkirina vê komployê di lîteratura me de komploya mezin a gladyoyê ye. Gladyo çi ye? Gladyo hêza dendikî ya NATO’yê ye. NATO kî ye? NATO jî hêza lêdanê, hêza leşkerî, hêza di heman demê de bêguman siyasî ya modernîteya Kapîtalîst e. Wê demê ev komplo ji aliyê hêzên modernîteya kapatalîst ve hatine kirin.”
Xebat Andok: Gelên cîhanê Rêber Apo wekî serokê xwe dibînin
Xebat Andok rewşa Îmraliyê û xwedî derketina Rêber Apo ku cîhan wekî Rêbere xwe dibîne wiha anî ziman:
Wexta ku Serokatiya me ket Îmraliyê, em bêjin weke Serokê partiyekê bû, Serokê gelê Kurd bû.
Lê wexta mirov pêvajoya Îmraliyê heta roja me dinirxîne Serokatî çi ye?
Gelo tenê Rêberê PKK’ê ye? Mesela tenê Rêberê gelê Kurd e? Na.
Gelek gelên ku Serokatî naskirine û doza serxwebûnê dikin, Serokatî wekî Serokê xwe hesab dikin.
Wekî din gelek hêzên li ser navê demokrasî û edaletê li dijî sîstemê têdikoşin, wexta Serokatî nas dikin Serokatî weke Rêberê xwe dibînin.”
Xebat Andok: Serokatiya me bi helwesta xwe, bi sekna xwe ev komplo ji holê rakir
Xebat Andok anî ziman ku Rêber Apo komplo ji holê rakir û wiha bi dawî kir.
“Dema ku mirov ji aliyê eniya Serokatî ve li komployê dinihêre, ya rastî komplo bi erdê re bûye yek. Komploya ku ji aliyê hêzên modernîteya kapîtalîst ve hate kirin, destpêkê xwestin Serokatî ji aliyê fîzîkî ve îmha bikin. Nekarîn bikin. Çima nekirin? Ne ku nexwestin. Ji xwe armanca wan ew bû. Serokatiya me bi helwesta xwe, bi sekna xwe ev yek ji holê rakir.”
Dûran Kalkan: Em xwedî li Rêber Apo derkevin, ji her demê bêhtir xwedî lê derkevin
