Navenda Ragihandin û Çapemeniyê ya HPG’ê nasnameya 3 gerîlayên ku di êrîşa dijmin de şehîd bûne eşkere kir.
HPG’ê sesaxi ji malbatên şehîdan re xwet û got:
“Van hevrêyên me yên hêja bi şehadeta xwe nîşan dan ku sekn û berxwedana milîtaniya fedaî ya Apoyî divê çawa be.
Em ê her tim xwedî li bîranîna hevrêyên xwe derkevin.”
Navenda Ragihandin û Çapemeniyê ya HPG’ê nasnameya 3 gerîlayên ku di êrîşa dijmin de şehîd bûne eşkere kir.
HPG’ê li ser têkoşîn û kesayeta şehîdan ev nirxandin kir.
“Hevrêya me Şoreş lêgerîna xwe ya li heqîqetê her tim dewam kir û têkoşîneke bênavber di kesayetiya xwe de şênber kir.
Meşa xwe ya azadiyê ku ji Semsûrê destpê kir li çiyayên Kurdistanê gihand asta herî bilind.
Hevrêya me Şoreş ku bi têgihiştineke mezin nêzî her wezîfeyê bû bi taybetmendiya xwe ya hunerî da ser şopa Şehîd Mizgîn, Berçem û Delîla.
Bi zanebûna ku şoreşgerî û gerîlatî hunera herî mezin e hunera xwe kûr kir, têkoşîna xwe mezin kir û navê xwe li dîroka me ya têkoşînê nivîsand.
HPG: Hevrêyên me ruhê ciwantiya apoyî di kesayetên xwe de temsîl kirin
Hevrêyê me Rizgar jî di her kêliya jiyana xwe ya şoreşgerî de bû milîtanekî Apoyî yê bi îdîa û wezîfeyên herî zehmet bi ser xist.
Ruhê ciwantiya Apoyî di kesayetiya xwe de temsîl kir û li her qada ku lê ma ji bo bilindkirina berxwedanê kedeke mezin da.
Hevrêyê me bi tevlîbûna xwe ya bêteredût û şervaniya xwe ya bi wêrekî mîrateyeke têkoşînê li pey xwe hişt ku neyê jibîrkirin.
Hevrêya me Newal jî bi çanda qedîm a Rojhilatê Kurdistanê tevlî têkoşînê bû.
ji roja destpêkê heta şehadetê ji sekna xwe ya esîl û leheng ji bo kêliyekê jî tawîz neda.
Bi hevrêtiya xwe ya kûr û xurt, bi sekna xwe ya ji xeta PKK û PAJK’ê tawîz nedida, ji bo hilanîna tola hevrêyên xwe yên şehîd hilîne bêeman têkoşiya.
Bi pêşengiya xwe ya li nava jiyanê û şer şopên xurt li dilên hevrêyên xwe hişt.
HPG: Emê xwedî li bîranînê şehîdan derkevin
HPG’ê herî dawî got: “Van hevrêyên me yên hêja bi şehadeta xwe nîşan dan ku sekn û berxwedana bi milîtaniya fedaî ya Apoyî divê çawa be.
Em ê her tim xwedî li bîranîna van hevrêyên xwe derkevin.
Li ser vê bingehê bila serê malbatên welatparêz ên hêja yên hevrêyên me Şoreş, Rizgar û Newal, serê tevahiya gelê Kurdistanê sax be.
Agahiyên li ser nasnameya şehîdan wiha ye:
Nasnav: Şoreş Semsûr
Nav paşnav: Devrîm Çoban
Navê dayikê: Zelîha
Navê bav: Mahmût
Dem û cihê şehadetê: 7’ê Cotmeha 2019 / Herêmên Parastinê yên Medyayê
Nasnav: Rizgar Nûhat
Nav paşnav: Halûk Baş
Navê dayikê: Emîne
Navê bav: Îbrahîm
Dem û cihê şehadetê: 8’ê Cotmeha 2019 / Herêmên Parastinê yên Medyayê
Nasnav: Newal Rûbar
Nav paşnav: Gulistan Şems
Navê dayikê: Xezal
Navê bav: Îsmaîl
Dem û cihê şehadetê: 7’ê Cotmeha 2019 / Herêmên Parastinê yên Medyayê
