berxwedêr şopdara Gurbet Elî Ersozan; Rojnamevan Cîhan Bîlgîn ji sala 2017’an ve heqîqeta şoreşra rojava radigîhîne û bi gotina wê dibêje “Axa Rojava ji bo min giranbuha û bi nirx e; divê em bibin dengê vê heqîqetê”
Bajarek nema ku neçûyê, siyasetmedarek yan fermandarekî leşkerî nema ku pê re hevpeyvîn çênekir.
Em behsa jina berxwedêr şopdara Gurbet Elî Ersozan; Rojnamevan Cîhan Bîlgîn dikin.
Cîhan Bîlgîn sala 1996ˈan li navçeya Midyad a bajarê Mêrdînê yê Bakûrê Kurdistanê hatiye dinê.
Cîhan xwendina xwe ya seretayî, navîn û amadehî li dibistanên Midyadê qedand.
Piştre li bajarê Amedê derbasî beşa Hiqûqê ya Zanîngeha Dîcleyê dibe.
Di dema xwenekariya xwe de hîn zêdetir dibe xwedî hişmendiyek azadî û têkoşînê.
Sala 2014ˈan jî li gel xwendina xwe, cihê xwe di qada ragihandinê de digire.
Di rojnameya Ozgur Gundem û Azadiya Welat de dest bi xebatên belavkariyê dike.
Cîhan ku 3 salan xebatên belavkirina rojnameyan meşand, ev xebat wekî rêya têkoşîna azadî û demokrasiyê dît.
Rojnameya Azadiya Welat di havîna 2016ˈan de ji aliyê dewleta Tirk ve hat girtin, her wiha zextên dewletê zêde bûn, lê Cîhanê têkoşîna ragihandinê mezintir kir.
Cîhan Bîlgîn ji sala 2017’an ve heqîqeta şoreşa Rojava radigihîne
Dema ku li Rojavayê Kurdistanê şoreş mezin dibû, lê êrişên dewleta Tirk û çeteyan jî zêde dibûn, hevala me Cîhan sala 2017ˈan berê xwe da Rojavayê Kurdistanê.
Li vir cihê xwe di nava Ajansa Nûçeyan a Hawar (ANHA) de girt û karê rojnamevaniyê domand.
Hevala me Cîhan Bîlgîn di têkoşîna xwe ya 8 salan a Bakûr û rojhilatê Sûrî de bû dengê hemû pêkhetayan, rastiya têkoşîna gelan ji cîhanê re ragihand.
Cîhan Bîlgîn yek ji wan rojnamevanên jin bû ku xwe di felsefeya jina azad û neteweya demokratîk de kûr kir.
Cîhan ku destdirêjiya li her jinekê wekî destdirêjî li tevahî jinan didît gelek rapor li ser sûcên ku li dijî jinan têne kirin nivisand.
Cîhan berî da wir û berxwedana şervanên Meclisa Leşkerî ya Minbicê û YPJˈê ragihand.
Di vê der barê de jî hevpeyvîn bi şervan û fermandaran re çêkir.
Cîhan ku bi hezkirina xwe ya ji kar re û bi rûketiya xwe dihat naskirin, mîraseyeke mezin di çapemeniya Kurdî û Kurdistanî de hişt.
Cîhan Bîlgîn: Axa Rojava ji bo min giranbuha û bi nirx e
Ji gotinên Cîhan Bîlgîn ku dibêje:
“Ya hiştiye di karê xwe de jêhatî bibim, ew e ku em ne tenê ne.
Gelek xwedî armanc û hêvî li pişt me ye.
Ev gel rastî zilm û çewistandin tê, loma wezîfeya me ya sereke ye ku em balê bikişînin ser vê xalê.
Axa Rojava ji bo min giranbuha û bi nirx e.
Cihê serbilindahiyê ye ku mirov karên ew kesên mezin bidomîne.
Ya girîngtir ew e ku me soz daye hevreyên xwe ku em rêwîtiya wan naterikînin.
Divê em sûcên ku li dijî gelê me tên kirin ragihînin û durûtiya dagirker û mêtîngerên erdê me teşhîr bikin.”
Dewleta Tirk erebeya rojnamevanan bomberan kir: 2 rojnamevan şehîd bûn
