Hevserokê Konseya Rêveber a KCK’ê Cemîl Bayik li ser bûyerên di nava sala 2024’an de qewimîn nirxandin kirin.
Cemîl Bayik anî ziman ku pêngava ji bo azadiya Rêber Apo di sala 2024’an de encamên girîng bi xwe re anî.
Her wiha da zanîn ku pêngav di sala 2025’an de divê bigihêje encamê.
Hevserokê Konseya Rêveber a KCK’ê Cemîl Bayik têkildarî bûyerên di nava sala 2024’an de qewimîn ji ANF’ê re axivî.
Cemîl Bayik li ser pêngava ji bo azadiya Rêber Apo û asta pêngavê ya sala 2025’an nirxandinên girîng kir.
Bayik diyar kir ku Pêngava Azadiyê ya Gerdûnî bi armanca azadiya fîzîkî ya Rêber Apo û çareseriya pirsgirêka Kurd destpê kir.
“Ev pêngav ji aliyê hêzên çep, sosyalîst, demokrat û azadîxwazan ve hate plankirin û destpêkirin.
Tevgera me pêngava ku hatî destpêkirin pir bi watedar dîtiye û ragihandiye ku bi hemû hêza xwe beşdarî pêngavê bibe.
Bêguman Pêngava Azadiyê ya Gerdûnî lûtkeyek e.
Ez dikarim bibêjim ku têkoşîna li dijî komploya navneteweyî bi Pêngava Azadiyê re gelekî nêzî armanca xwe bûye.”
Cemîl Bayik destnîşan kir ku di vê wateyê de ev pêngav bi xwe asta têkoşîna 25 salî îfade dike.
Cemîl Bayik: Ji ber tirsa xwe ji fikrê Rêber Apo tecrîdê pêk tînin
Bi gotina wî pêwîste derbarê tecrîda mutleq de jî qala çend xalên girîng bê kirin û got:
“Pir eşkere ye ku ji ber tirsa xwe ya ji fikrên Rêber Apo, tecrîda mutleq pêk tînin. Lê ya ku di esasa xwe de li vir tê tecrîdkirin em in.
Yên ku tecrîda mutleq pêş dixin armanc dikin ku me ji Rêber Apo mehrûm bikin.
Lê em vê dibêjin ne zîndan û ne jî tişteke din nikare Rêber Apo ji jiyana azad mehrûm bike.
Ku divê ji niha û şûnde bê kirin jî xurtkirina pêngavê û gihandina wê ya armanca xwe ye.”
Cemîl Bayik: Eger piçek ji hiqûq were pêkanîn divê tecrîd bi dawî bibe
Hevserokê Konseya Rêveber a KCK’ê Cemîl Bayik di warê bêdengiya saziyên ku bi pergala îmraliyê re têkildarin ev anî ziman:
Hemû saziyên ku bi pergala Îmraliyê re têkildar in, , ji bo berdewamkirina rewşa bêhiqûqiyê û nixumandina wê hene.
Mînak , Halbûkî CPt’yê berî niha diyar kiribû ku li Îmraliyê Tecrîd heye, lê heya niha tu gav ne avêtine.
Armanca vê yekê ew e ku CPT naxwaze Tikriyeyê bixe rewşeke zehmet ku ev jî gelek zelal e.
Mirov dikare bêbertekiya hemû saziyên fermî ya derbarê tecrîda mûtleq a ku 5 sal in li dijî Rêber Apo tê birêvebirin bi vê yekê bîne ziman.
Eger piçekî jî hiqûq were pêkanîn, divê demildest ji dewleta Tirk bê daxwazkirin ku êşkenceya Îmraliyê bê dawîkirin.
