Piştî dagirkirina bajarê Minbicê, sûcên mezin çêdibin.
Herî dawiyê, xelkê Minbicê 3 cenazeyên malbateke Kurd li gundê Qişlê Yûsiv Paşa dîtin.
Li gor çavkaniyan, çeteyên dagrikeriya Tirkiyê berî ji gund vekişin ew kuştine û avêtine ber mala wan.
Lê çeteyan piştî ku ew kes kuştine , Tora Sûrî ya mafên mirovan idîa kir ku şervanên QSD’ê ew malbat kuştiye .
Lê QSD’ê ev idîa derewand û got:
Tu têkiliya me bi kuştina vê malbatê tune ye û ew malbat ji aliyê çeteyan ve hatine kuştin.
Ji roja ku Minbic ji aliyê dagirkeriya Tirkiyê û çeteyan wê hat dagirkirin binpêkirin û sûc dewam dikin.
Îcar li vir ev rewş dibe sedema ku rewşa mirovî ya welatiyan pir xerab bibe.
Di vê çarçoveyê de, çavkaniyan ji gundewarên Minbicê ragihand ku 3 cenazeyên malbateke Kurd hatiye dîtin.
Li gor agahiyan, berî çeteyên El-Emşat ên dagirkeriyê xwe ji gundê Qişlê Yûsiv Paşa xwe vekişînin, ew kuştine.
Pişre cenazeyên wan avêtine ber mala wan.
Hat da zanîn ku Fetûma Şaman hevjînê wê Mihemed Xelîl yên 71 salî û lawê wan Silêman ê 30 salî hatine kuştin
QSD: Idîayên ku şervanên me ew malbat kuştiye ne rastin
Di vî warî de Navenda Raghandinê ya Hêzên Sûriya Demokratîk daxuyaniyek da .
QSD’ê diyar kir ku Tora Sûrî ya Mafên Mirovan ku ji Tirkiyê tê birêvebirin, îdia kir ku şervanên QSD’ê ew malbat kuştiye.
Ev yek jî di warê nixumandina sûcên çeteyan tê.
QSD’ê eşkere kir ku hêzên wan nêzî 10 roj berê derbasî gund bûn û gund ji çeteyan paqîj kirine .
Tu eleqeya wan bi kuştina van her sê kesan re tune .
Piştî ew derbasî gund bûn rastî cenazeyê 3 kesên ji heman malbatê hatin .
QSD’ê tekez kir ku ev yek sûc e ji bi dehan sûcên komên girêdayî Tirkiyeyê ne .
Xelkê Minbicê daxwaza qewtandina çeteyan dikin
Her wekî piştî van bûyer û sûcan, hêrseke mezin a xelkê Minbicê li hemmberî çeteyan heye.
Ew daxwaz dikin ku çete ji wê herêmê derkevin.
