Desthilata Şamê bûye navenda cîhadîst û terorîstan.
Yek ji wan jî, Huseyîn El-Selame ye.
Ev cîhadîst dema El- Nûsra navê xwe guhert û kir HTŞ’ê bi roleke çalak rabû.
Li Idlibê di avaniya îdarî û leşkerî ya rêxistinê de bi wezîfeyên girîng rabû.
Demeke dirêj karê Serokê Ewlekariyê yê Giştî di nava HTŞ’ê de kiriye.
Niha jî serokê dezgeheke hesas a desthilata Şamê de cî digire. Ew bûye serokê Îstîxbarata Giştî yê desthilata Şamê.
Ji destpêka rûxîna Rejîma Baasê û hatina desthilata Şamê, Sûriyê di nava aloziyeke bêserûber de ye.
Gelek serçete ku di lîsteyên terorê de mîna Mihemed Casim “Ebû Emşe” û Seyf Bekir Polat ku kesên Tirkmen in bûn serbazên payebilind a vê desthilatê.
Herî dawî wezareta parastinê yê vê desthilatê kujerê siyasetmedara kurd Hevrîn Xelef, yê bi navê “Ebû Hatim Şeqra” kir fermandar tûgaya 86’an li ser herêmên Dêra Zor, Reqa û Hesekê .
Dîsa beriya 4 rojan desthilata Şamê cîhadîstekî din bi navê “Huseyîn El-Selame” wekî serokê Dezgeha Îstîxbarata Giştî erkdar kir.
Sûrî desthilata Şamê bi hikûmeteke cîhadî û terorîst bi nav dikin
“Huseyîn El-Selame” ji ciwaniya xwe ve bi tundrewiya olî dihate naskirin.
Li Idlibê demeke dirêj di nava “Cebhet El-Nusra” ku li Sûriyê ev rêxistina çekdarî bi navê “El-Qaîde” dihat naskirin, kar kir.
Konseya Ewlehiyê ya Navdewletî “Cebhet El-Nusra” xist lîsteya terorê. Ji ber vê yekê “Cebhet El-Nusra” xwe guherand û navê “Heyet Tehrîr El-Şam” li xwe kir.
Di dema guhertinê de “Huseyîn El-Selame” bi roleke aktîv rabû û di nava avaniya îdarî û leşkerî ya rêxistinê ya li Idlibê de wezîfeyên girîng girt.
Amerîka ji ber tayînkirina cîhadîstan deshilata Şamê cidî nagire
HTŞ’ê ango Heyet Tehrîr El-Şam ji aliyê Konseya Ewlehiyê ya Navdewletî sala 2015’an ji ber kirinên wê yên dermirovî derheqê Sûriyan de, weke rêxistineke terorîst, şaxa El-Qaîde li Sûriyê hat pênasekirin.
Niha ew cîhadîstên HTŞ’ê yên di lîsteyên terorê yên navdewletî de di hikûmeta desthilata Şamê de cî digirin.
Tayînkirina terorîstan di hikûmetê de bûye rojeveke cîhanî û rastî nerazîbûn û bertekên tund ên Sûriyan tê.
Ewlewî û Durzî ji ber komkujiî û kiryarên wan ên dermirovî derheqê wan de nema baweriya xwe bi deshilatê tînin.
Wezareta Parastinê ya Amerîkayê “Pentagonê” got ku tayînkirina kujerê siyasetmedara Kurd Hevrîn Xelefê yê bi navê “Hatim Ebû Şeqra” xeletiyeke mezin e û em piştgiriyê nadinê.
Pispor: Tayînkirina cîhadîstan guhertineke radîkal a dewleta Sûrî ye
Her wiha wezareta Karên Derve ya Amerîkayê têkildarî tayînkirina “Huseyîn El-Selame” wiha got:
“Eger rêveberekî payebilind ê berê yê rêxistineke terorê weke serokê îstîxbaratê bê tayînkirin, wê demê samîmiyeta li Sûriyê ya têkoşîna li dijî terorê wê bi rengekî cidî bê lêpirsîn.”
Pispor dibêjin ku tayînkirina van kesan weke nîşaneya guhertineke radîkal a li ser meyla stratejîk a dewletê ye.
Tayînkirina “Huseyîn El-Selame” radixe pêş çavan ku lihevkirina civakî ya li Sûriyeyê tenê di gotinê de maye.
