Parêzer Lukas Theune yê ku li hemberî qedexeya li ser xebatên PKK’ê yên li Elmanyayê serî li Dadgeha Îdarî ya Berlînê da got:
“Divê hikûmet bikeve nava tevgerê, qedexeya PKK’ê rake û dev ji sûcdarkirin û hepskirina Kurdan berde.”
PKK’ê li ser banga Rêber Apo di navbera 5-7’ê Gulanê Kongreya xwe ya 12’emîn li dar xist.
PKK’ê di Kongreya xwe de ragihand ku hemû çalakiyên ku li ser navê rêxistinê têne kirin hatine rawestandin.
Ev biryar ji aliyê aktorên navneteweyî yên wekî NY, DYE’yê, Keyaniya Yekbûyî û Elmanya ve bi kêfxweşî hate pêşwazîkirin.
Lê, Almanya red kir ku qedexeya li ser PKKê, ku ji sala 1993 ve li ser wê hatiye danîn, rake.
Parêzerên ku li dijî biryara qedexeyê dozên qanûnî vekirin, serî li Dadgeha Îdarî ya Berlînê dan.
Yek ji parêzerên ku serlêdan kir Lukas Theune ye.
Lukas Theune diyar kir ku divê biryara fesixkirina PKK’ê werin berçavgirtin û rexne li helwesta hikûmeta Elmanya kir û got:
“Piştî bersiveke neyînî ji serlêdana me ya li Wezareta Karên Hundir a li dijî qedexekirina xebatên PKK’ê li Elmanyayê, me serî li Dadgeha Îdareyê ya Berlînê da.
Li dijî qedexeya ku di sala 1993’yan de li hemberî xebatên PKK’ê hatibû dayîn me li ser navê PKK’ê doz vekir.
Parêzer Lukas Theune: Divê Elmanya biryara PKK’ê li ber çavan bigire
Lê hikûmeta federal îdia kir ku hîn ne diyar e ka banga Abdullah Ocalan a ji bo fesixkirina PKK’ê û çekdanînê ji aliyê PKK’ê ve were pejrandin an na.
Lê PKK’ê di Kongreya xwe ya 12’emîn de biryar da ku vê bangê bi cih bîne û hemû çalakiyên xwe bi dawî bike.”
Lukas Theune anî ziman ku divê hikûmeta Elmanya niha vê biryarê li ber çavan bigire û qedexeya li ser PKK’ê rake û wiha domand:
“Divê Elmanya rê li ber tevgera Kurd veke da ku beşdarî pêvajoya aştiyê bibe.
Daxuyaniya Wezareta Karên Derve ji aliyê Annalena Baerbock ve hate kirin û di dema ku wezaret hê jî di bin rêveberiya Keskan de bû ev daxuyanî hat dayîn.
Wezîrê Karên Derve yê nû Birêz Wadephul hê jî der barê vê pêvajoyê de helwestek nîşan nedaye.
Parêzer Lukas Theune: Êdî divê Elmanya qedexeya li ser PKK’ê rake
Lê em di wê baweriyê de ne ku tevahiya hikûmeta Elman wê destekê bide vê pêvajoya aştiyê.”
Lukas Theune di dawiyê de wiha got:
“Divê hikûmeta li Elmanyayê qedexeya li ser PKK’ê rake û beriya her tiştî dev ji sûcdarkirin û hepskirina Kurdan berde.
Divê ev pêvajoya aştiyê bê destekkirin.
Eger ev yek pêk bê wê Kurd li Elmanyayê bên naskirin û polîtîkayên krîmînalîzekirin an jî cezakirin ji ber vê bi dawî bibe.”
