Nîqaşên li ser qanûna çarçoveyî, ku yek ji aliyên herî krîtîk ên pêvajoyê ye, didomin.
Cîgirê Hevserokên DEM Partiyê Tayip Temel diyar kir ku divê rêzikname bi danûstandinên hevbeş re guncaw be.
Temel hişyarî da ku qanûnek yekalî dê zirarê bide pêvajoya aştiyê.
Temel diyar kir ku pêşnûmeya qanûnê dikare di meha Tîrmehê de di rojeva Parlamentoyê de be, û got;
Divê rêzikname bi beşdariya hemû aliyan were pêkanîn.
Temel, perspektîfa “qanûna bingehîn” ya Rêber Abdullah Ocalan berê pêşkêş kiribû bi bîr xist û diyar kir ku ev çarçove nexşerêyek siyasî pêşkêş dike, ne teknîkî.
Tayîp Temel: Pêwiste aqilê hevpar bingeh be
Temel dibêje, agahdariya fermî ya wan li ser naveroka pêşnûmeya qanûnê ya ku ji hêla hikûmetê ve hatiye amadekirin tune ye û got;
Heke hin îdîayên di çapemeniyê de derketîn rast bin, ew ê ev yek ji bendewariyan kêmtir be.
Temel tekez kir ku amadekirina qanûna çarçove bi aqilê hevpar û lihevkirina civakî wê ji bo çareseriyek mayînde diyarker be.
Tevî van hişyariyên DEM Partiyê, Serokomarê AKP’yî Recep Tayyip Erdogan di zimanê xwe yê dijminane de israr dike.
Di axaftina xwe ya li resepsiyona Serokên Parlamanetoyên welatên endamên NATO’yê de careke din doza gelê Kurd bi terorê ve girê da.
