Hîna jî biryarên Kongreya 12’emîn a PKK’ê di rojevê de ne.
Nivîskar Fûat Kav van biryaran şîrove dike û dibêje: “Têkoşîna çekdarî hatiye rawestandin, lê çek hînê nehatine danîn.
Meseleya danîna çekan bi şert û mercên Serok APO û rêvebirina wî ya pêvajoyê ve girêdayî ye.”
Nivîskar Fûat Kav têkildarî biryarên Kongreya 12’emîn a PKK’ê û nêzîkatiya desthilatdariya AKP’ê ji ajansa ANF’ê re axivî.
Fûat Kav anî ziman ku Rêber APO kir ku Kongreya 12’emîn a PKK’ê pêk were û got:
“Biryarên ku di kongreyê de hatin girtin dîrokî bûn.
Rêber APO bi perspektîfeke nû diyar dike ku pêvajo êdî guherî ye, veguherî ye;
pêwîstî bi pêvajoyeke nû heye, PKK’ê wezîfeya xwe pêk aniye, êdî divê bi rê û rêbazên cuda têkoşîn bê meşandin.
Bêguman biryarên PKK’ê jî xwe dispêrin vê perspektîfê.
Lê ji bo pêkhatina van biryaran, divê Serok APO vê pêvajoyê bi rê ve bibe.
Yanî ji bo Serok APO karibe vê pêvajoyê bimeşîne divê azad bibe.
Eger ev yek pêk neyê, nepêkane ku ev herdu biryarên bingehîn ên kongreyê pêk werin.”
Fûat Kav: Stratejî û amûrên nû yên têkoşînê divê ji aliyê Rêber APO ve bêne afirandin
Fûat Kav destnîşan kir ku taktîk, stratejî û amûrên nû yên têkoşîna ji niha û pê ve divê ji aliyê Rêber APO ve bêne afirandin û wiha domand:
“Eger ev nebe, têkoşîna çekdarî dibe ku di asta agirbestê de be û bi dawîbûna wê heya azadiya Serok APO ye.
Têkoşîna çekdarî dikare bê rawestandin lê çek nikare bê danîn.”
Têkildarî gotina ‘Divê çekên xwe teslîm bikin’ û ‘Tirkiya bê teror’ a ku Serokkomar Erdogan timî bilêv dike, Fûat Kav ev nirxandin kir:
“Gotinên dewletê teslîmiyet e.
Bi gotineke din, nêzîkatiya giştî ya dewletê ne ew e ku PKK xwe fesix bike û têkoşîna çekdarî rawestîne.
Nêzîkatiya giştî ew e ku yekser teslîmî dewleta Tirkiyê bibe.
Li gorî wan, beşek ji gerîla wê vegere Tirkiyê û li wê derê li gorî wan bi rengê ‘yên sûc kirine’ yan jî ‘yên sûc nekirine’ bêne veqetandin.
Wê hinekan bigire, hinekan jî berde. Beşek jî wê li derveyî Tirkiyê bêne hiştin.
Di bin kontrola PDK’ê de yan jî li goşeyeke Ewropayê dixwaze wan bixe kampan.
Dewlet bi vî rengî difikire, lê belê rastî gelekî cuda ye.”
Fûat Kav: Eger Tirkiyê dixweze şer biqedîne divê gavê diavêje
Fûat Kav diyar kir ku Rêber APO di her hevdîtinê de dibêje, ‘Teslîmiyet nîne’ û wiha dibêje:
“PKK’ê xwe fesix kiribe jî di rewşa heyî de hem kadro hem jî gerîlayên wê, wê xwe jî û gelê xwe jî biparêzin.
Divê baş bê zanîn, PKK zêdeyî 40 sal in têdikoşe.
Gelê Kurd êdî xwedî hişmendiya neteweyî ye.
