Şaredariya Gel a Qamişlo ji paqijiya sûka bajêr û hêsankirina tevger çûn û hatinê, kampanyayek berfireh da destpêkirin.
Di kampanyayê de firoşkarên ku çûn û hatinê asteng dikirin bo cihên diyar hatin veguhezitn û xwediyên dikarnan ên ku peyarêyan digirin hatin hişyarkirin.
Hevseroka Şaredariya Gel a Qamişlo Bêrîvan Umer anî ziman ku armanca wan başkirina paqijiya giştî û estetîka bajêr e.
firoşkar jî ev gava şaredariyê erênî dîtin.
Di 15’ê Hezîranê de, Şaredariya Gel a Qamişlo ji bo başkirina karûbarên bazarê û hêsankirina çûnûhatinê kampanyayek des pê kir.
Di çarçoveya kampaniyê de, ji bo firoşkarên li kolanan çûn û hatina şêniyan asteng dikirin cihên guncaw hatin destnîşakirin.
Her wiha ji wan hate xwestin ku karê firoşkariyê li wir bikin û xwediyên dikanan ên ku peyarêya digirin hatin hişyarkirin.
Bêrîvan Umer: Armanca me başkirina paqijiya giştî û estetîka bajêr e
Têkildarî mijarê, Hevseroka Şaredariya Gel a Qamişlo Bêrîvan Umer axivî.
Berîvan Umer anî ziman ku armanca wan başkirina paqijiya giştî û estetîka bajêr e.
Bêrîvan diyar kir ku girtina peyarêyan ji hêla xwediyên dikanan ve û pirbûna firoşkarên li kolanan rêya trafîkê û çûn û hatina xelkê asteng dikir.
”Kampanya şaredariyê ji bo baqijiya bazarê erênî ye”
Heysem El Salih, firoşkarekî sebzeyan li bazara qesaban e, destnîşan kir ku ev gava şaredariyê erênî ye.
Şêniyê bi navê Xesan Hesen Esed jî got:
Bicîhanîna projeya kişkan li Bazara Hetîn hişt ku karûbarên bazarê hêsantir bibe û bazar paqijtir bibe.
Niha çûn û hatina xelkê hêsantir bûye, xelk dikarin kelûpelên xwe bikirin.
Kampanyaya ji bo başkirina karûbarên bazarê berdewam dike, şaredarî rasterast bi firoşkaran re têkilî dike û bi wan re hevkariyê dike ku veguhestina wan bo cihê nû hêsantir bibe.
