Li seranserî cîhanê bobelatên xwezayî rû didin.
Hefteya borî heya niha li Teksas a Amerîkayê ji ber lehiyê 119 kes mirin.
Li welatên başûrê Asyayê mîna Pakistan û Hindistanê jî ji ber barana zêde lehî rabûn.
Li Pakistanê 11 û Hindistanê jî ji ber lehiya domdar 85 kes mirin.
Li Teksas a Amerîkayê 4’ê Tîrmehê barana zêde bû sedema lehiyê.
Ji vê rojê ve hejmara windahiyan jî zêde dibin.
Rayedaran diyar kirin ku hejmara miriyên di lehiyê de gihîştiye 119’an û hewldanên lêgerîn û rizgarkirinê berdewam dikin.
Rayedaran dibêjin hejmara miriyan herî zêde li Kerr County pêk hatiye.
Li vê bajarê di nav de 36 zarok 95 kes jiyana xwe ji dest dane.
Waliyê Teksasê Gregg Abbott, di parvekirinek li ser hesabê xwe yê X’ê de, diyar kir ku ew hemû çavkaniyan ji bo têkoşîna li dijî lehiyê seferber dikin.
Rayedarên herêmî ragihandin ku nêzîkî 50 hezar kes li herêma karesatê ne û hewldanên lêgerîn û rizgarkirinê berdewam dikin.
Li Pakistanê ji ber lehiyê 11 kes mirin
Her wiha li Pakistanê jî ji ber barana musonê ya zêde, li parezgehên Pencab û Belucistanê lehî rabû.
Ji ber barana mûsonê, pergalên kanalîzasyonê nebaş bûn û hin rê hatin girtin, ku bû sedema qutbûna elektrîkê ku bandor li bi hezaran kesan li Lahor a Pencabê kir.
Rayedaran diyar kirin ku barana zêde zirar daye mal û rêyan.
Li gor agahiyên destpêkê di lehiyên li hin deverên Lahor û Belûcistanê de 11 kes mirine û gelek kes birîndar bûne.
Li Hindistanê bobelata xwezayî: 85 kes mirin
Li aliyê din li Hindisanê barana zêde, şemitîna axê û girêdayî wê qezayên trafîkê zêde bûne.
Hate ragihandin ku heya niha li eyaleta Himachal Pradesh a bakurê Hindistanê ji ber bobelatên xwezayî 85 kes mirine.
Daxuyaniyek ji Navenda Rêveberiya Karesatên Dewletê (SDMA) diyar kir ku hejmara miriyên ji ber lehiyê û şemîtîna axê gihîştiye 54 kesan.
Her wiha hat ragihandin ku hejmara miriyên ji ber qezayên trafîkê yên ku ji ber lehî û şemîtîna axê jî gihîştiye 31 kesan.
Di daxuyaniyê de hat destnîşankirin ku 204 rê li seranserê eyaletê ji bo trafîkê hatine girtin.
Hewldanên lêgerîn û rizgarkirinê ji bo kesên ku ji ber lehiyê winda bûne berdewam dikin.
Baranên Musonê, bi taybetî Hindistanê ku di navbera Hezîran û Îlonê de bandorê li Başûrê Asyayê dikin, her sal dibin sedema karesatên mezin ên xwezayî û qezayan.
