Rûsya 4 heremên Ukraynayê êriş pêk anî.
Serokê Ukraynayê Zelenskî ragihand ku di êrişê de 15 kes birîndar bûne.
Li aliyê din Parlamentoya Ukraynayê rewşa şer û seferberiyê ji bo 90 rojên din dirêj kir.
Li gorî biryara nû, ev tedbîr dê heta 5’ê Mijdara 2025’an di meriyetê de bimînin.
Serokê Ukraynayê Volodîmîr Zelenskî piştî êrîşa Rûsyayê ya şeva 15’ê Tîrmehê daxuyaniyek da.
Zelenskî diyar kir ku binesaziya enerjiyê yek ji hedefên êrîşê bû û herêmên herî zêde bandor lê bûne Vinnîtsyia, Dînipro, Xarkiv û Odessa bûn.
Zelenskî got:
“Encamên êrîşa şevê ya Rûsyayê hîn jî têne çareserkirin.
Bi taybetî bajarê Kriviy Rih zirareke mezin dît, lê tê payîn ku dabînkirina elektrîkê di nav rojê de vegere.”
Her wiha Zelenskî da zanîn ku di êrîşan de 15 kes birîndar bûne, di nav wan de zarokek jî heye û teqez kir ku hemû birîndaran lênihêrîna bijîşkî ya pêwîst wergirtine.
Rûsya binêsaziya enerjiyê yê Ukraynayê kir armanc
Serokkomarê Ukraynayê diyar kir ku nêzîkî 200 balafirên bêmirov ên Rûsyayê hatine xistin, di heman demê de zêdetirî 140 heb berî ku bigihîjin armancên xwe hatine tepeserkirin.
Zelenskî spasiya Hêzên Hewayî, Hêzên Deryayî, Sîstemên Parastina Hewayî, Komên Agirkujiyê yên Mobîl û Yekîneyên Şerê Elektronîkî kir û wiha dawî li axaftina xwe anî:
“Rûsya stratejiya xwe naguherîne.
Xurtkirina sîstematîk a parastinê ji bo şerekî bi bandor li dijî vê terorîzmê pir girîng e.
Bêtir pergalên parastina hewayî, pergalên astengker û biryardariyek mezintir hewce ne.
Divê Rûsya bersiva me hîs bike.”
Li gorî Hêzên Çekdar ên Ukraynayê, ji saet 8:00’ê êvarê doh, Rûsyayê bi mûşekên balîstîk ên Iskender-M, 400 dronên êrîşê yên cûreya Şahed û cûrbecûr dronên xapînok êrîşî Ukraynayê kir.
Ji van droneyan, 198 hatin xistin xwarê û 145 jî bi şerê elektronîkî hatin bêbandorkirin.
Armancên sereke yên êrîşan Kriviy Rikh, Xarkiv û Vinnytsyia bûn.
Rewşa seferberî li Ukraynayê heta 5’ê mijdara 2025’an hat dirêjkirin
Li aliyê din Parlamentoya Ukraynayê rewşa şer û seferberiyê ji bo 90 rojên din dirêj kir.
Li gorî biryara nû, ev tedbîr dê heta 5’ê Mijdara 2025’an di meriyetê de bimînin.
Di dengdana parlementoyê de, bîryar ji hêla 320 parlamenteran ve hate pejirandin.
Tenê parlamenterek li dijî seferberiyê deng da.
Ev 16’emîn dirêjkirina rewşa şer û seferberiyê ye ji dema ku Rûsyayê di 24’ê Sibata 2022’an de dest bi dagirkirina xwe ya berfireh kir.
Serokê Ukraynayê Volodîmîr Zelenskyy di 14’ê Tîrmehê de du pêşnûme qanûn pêşkêşî parlementoyê kirin, ku rewşa şer û seferberiyê 90 rojan dirêj dikin.
Li Ukraynayê rewşa şer di rewşên gefê li ser serxwebûn û yekparçeyiya axa dewletê de tê sepandin.
Di vê pêvajoyê de, dibe ku hin maf û azadiyên bingehîn bi demkî werin sînordarkirin.
