Rûsya hejmarek zêde balafirên bê mirov ên Ukraynayê xistin.
Wezareta Parastinê ya Rûsyayê dibêje êrişa balafiran di şevekî de pêk hat 117 dron hatin xistin.
Her wiha di êrîşên ku doh bi şev ji aliyê dron û moşekên Rûsyayê ve li ser Kîevê hatin kirin de kesek mir û herî kêm 6 kesên din birîndar bûn.
Ukrayna hejmarek zêde bi balafirên bê mirov êrişî Rûsyayê kir.
Wezareta Parastinê ya Rûsyayê ragihand ku di êrîşeke mezin a balafirên bê mirov de ku ji aliyê Ukraynayê ve di şevekê de pêk hat, bi tevahî 117 dronan hatine bêbandorkirin.
Li gorî daxuyaniyê, hin ji dronan paytext Moskow û deverên derdora wê hedef girtine.
Rayedarên parastinê diyar kirin ku nêzîkî 30 balafirên bê mirov li herêma Moskowê hatine xistin, yên mayî jî ji aliyê pergalên parastina hewayî ve li deverên cûda hatine xistin.
Ji ber êrîşan, hemû firîn li 4 balafirgehên sereke yên paytextê demkî hatine rawestandin.
Di dema êrîşan de, qada hewayî ya Moskowê bi giranî hate astengkirin, û bi sedan firîn hatin betalkirin.
Hate diyarkirin ku li balafirgehan rêzên dirêj çêbûne û gelek rêwî neçar mane ku şevê li termî-nalan derbas bikin.
Her çend rayedaran ragihandin ku êrîşan zirareke girîng nedaye binesaziya sivîl, lê Ukraynayê bi fermî li ser van êrîşan şîrove nekiriye.
Lêbelê, analîst bawer dikin ku operasyonên bi vî rengî yên dronan beşek ji stratejiya Ukraynayê ye ji bo zêdekirina zextê li ser Rûsyayê.
Di demên dawî de, hate ragihandin ku di êrîşeke bi heman rengî ya dronan de zêdetirî 170 dronan hatine bêbandorkirin.
Rayedarên Rûsî teqez dikin li ser bandora pergalên parastina hewayî yên xwe û dibêjin ku êrîş rasterast gefê li ewlehiya Moskowê dixwin.
Piştî êrîşa Rûsyayê ya li ser Kîevê li gelek deveran agir derket
Her wiha di êrîşên ku doh bi şev ji aliyê dron û moşekên Rûsyayê ve li ser Kîevê hatin kirin de kesek mir û herî kêm 6 kesên din birîndar bûn.
Li gorî rayedarên herêmî, êrîşa berfireh, ku bi dron û moşekan hat kirin, li gelek deverên bajêr şewat çêkir.
Serokê Rêveberiya Leşkerî ya Bajarê Kîevê ragihand ku deriyê Îstasyona Metroyê zirar dîtiye, lê ti qurbanî çênebûne.
Şaredarê Kîevê ragihand ku di encama êrîşê de agir li dibistanekî zarokan derketiye.
Bajarên din ên Ukraynayê jî bûn hedefa êrîşên Rûsyayê.
Li gorî Şaredarê heremê li 3 gundan ziyan gihîştiye binesaziyê.
