Bîlançoya Erdheja li Xerpêta bakurê Kurdistanê zêde dibe. Hêjmara kesên jiyana xwe ji dest dane gihişt 39 an.
Şandeya HDP’ê ya ku çû Xarpêtê diyar kir ku deshilat alîkarî nedaye gelek gundên herêmê û di belavkirina alîkariyan de jî ferq û cudahiyê dike.
TEV-DEM û CÎK jî bi daxuyaniyên cuda bang li hêzên navdewletî û heremî kirin ku bi şêniyên Xarpêtê re bibin alîkar.
Bîlançoya kesên ku di erdheja Xarpêtê de jiyana xwe ji dest dane zêde bû.
Serokê Saziya Rewşa Lezgîn a Tirkiyê AFAD’ê bi daxuyaniyekê ragihand ku heta niha li bajarê Xarpêtê û Meletî 39 kesan jiyana xwe ji dest da û zêdeyî hezar 607 kes jî birîndar bûne.
Di daxuyaniyê de hate gotin ku heta niha 45 kes ji bin xirbeyan hatine derxistin.
Xebatên lêgerînê derveyê taxekî bajêr li hemû taxên din rawistiyane
ERDHEJA LI BAJARÊ XARPÊTÊ
HDP: ALÎKARÎ BI XIZMÊN AKP’IYAN RE KIRIN
Roja ku erdhej pêkhat di pêşengitiya Parlamentera HDP’ê ya bajarê Batmanê Ayşe Acar Başaran de şandeyek çûbû Xarpêtê.
Ayşe Acar Başaran, diyar kir ku wan xwe gihand 60 gundan û îdiayên deshilata AKP’ê yên ku dibêje wan alîkariya her kesî kirine derewand.
Başaran anî ziman ku alîkariya heta niha ji bo erdhejê hatiye komkirin, serokên AKP’ê li xizmên xwe belav kirine.
ERDHEJA LI BAJARÊ XARPÊTÊ
WALÎTIYA XARPÊTÊ: DERVEYÎ AFAD’Ê ALÎKARIYÊ JI KESÎ QEBÛL NEKIN
Şênî û keyayên girêdayê navçeyên Maden Xûxê û Gezîn ên ku HDP’ê serdana wan kiribûn diyar kirin ku Walîtiya Xarpetê li wan geriya ye ku derveyê alîkariya saziya lezgîna a Tirkiye AFAD’ê ti alîkariyê qebûl nekin.
Wezîrê karê Hindir ê Tirkiyeyê Suleyman Soylu jî bi daxuyaniyekê agahiya keyayan piştrast kir û got:
‘Derveyê AFAD’ê kes bila alîkariyan cihekî negre’
TEVGERA CIVAKA DEMOKRATÎK TEV-DEM:
DIVÊ HÊZÊN NAVDEWLETÎ Û HERÊMÎ BI XARPÊTÊ RE ALÎKAR BIN
Tevgera Civaka Demokratîk TEV-DEM’ê ji bo erdheja li bajarên Bakurê Kurdistanê bang li rêxistinên navneteweyî yên mirovî kir ku xizmeta mirovî û alîkariyê ji şêniyên ziyan dîtine re, pêşkêş bikin.
CIVAKA ÎSLAMÎ YA KURDISTANÊ
KAMPANIYA ALÎKARIYÊ JI BO MEXDÛRÊN ERDHEJA XARPÊTÊ DA DESTPÊKIRIN
Civaka Îslamî ya Kurdistanê CÎK’ê jî derbarê mijarê de daxuyaniyek weşand û destnîşan kir ku ji bo mexdûrên erdhejê kampaniyek alîkariyê dane destpêkirin.
Civaka Îslamî ya Kurdistanê di daxuyaniya xwe de got:
Divê dost û hevalên me tevlî kampanya alîkariyê bibin û destê xwe yê alîkariyê dirêjî van mirovan bikin.
