Vîrusa Korona ya ku ev 46 roje derketî, bû sedema li Çînê 81 yek kes jiyana xwe ji dest bide.
461 kesên ku vîros derbasî wan bûyîn jî jiyana wan di xeteriyê de ye.
Bi zêdebûna hêjmara miriyan re, metirsiya belavbûna li vîrusê li nava cihanê jî zêde dibe.
Heta niha ji derveyî Çînê, vîrus li 14 welatan belav bûye.
12′ Kanûna 2019 an li bajarê Wuhan yê Çînê vîrosa Korona cara yekem belav bû.
Vîrusa ku bi rêya hewayê belav dibe di demek kin de li gelek wilayet û bajarên Çînê bela bû.
Piştî ku hêjmara miriyan zêde bû, êdî cîhan bi metirsiya vîrusê re rû bi rû ma.
Serokwezîrê Çînê Lî Kiciang piştî derketina vîrusê heta niha doh cara yekem ji bo şopandina rewşa li herêmê serdana bajarê Wuhan kir.
Li gorî daxuyaniya ji konseya dewleta Çînê hatî ragihandin, serokwezîr lî bi erêkê ‘ Lîderê koma xebatên têkoşîna bi vîrusa Korona ya Hikumeta Navedendî serdana herêmê kir.
Vîrusa ku ji Kanuna 2019’an ve belav bûyî ji derveyî herêma xweser ya Tîbet li piraniya herêmê belav bûye.
Daxuyaniya ku ji aliyê Komisyona Tenduristiyê ya Netewî di nava rojê hatî kirin de hate ragihandin ku hêjmara kesên jiyana xwe ji dest dane gihiştiye 81’an.
Her wiha 2 hezar û 744 kes jî nîşaneyên vîrusê lê hatine tesbîtkirin.
Ji vane jî 461 kes rewşa wan girane.
Nêzî 5 hezar û 794 kes jî gomana ku vîru derbas wan bûye heye û zêdetirî 30 hezar û 453 kes jî di bin çavdêriyê de ne.
Tê texmînkirin ku vîrusa Korona ji bazareke heywanan a li bajarê Wuhanê ku tiştên wê ji derve tên, belav bûye.
Tevî paytexta Çînê Pekînê li gelek bajaran vîrus belav bûye.
Her wiha vîrus derbasî welatên cihanê jî bûbû.
Di serî de Fransa, Dewletên Yekbûyî yên Amerîka, Koreya Başûr, Tayland û Awutralya li zêdeyî 14 welatan belav bûye.
