Berdevê QSD’ê Ebjer Dawid diyar kir ku operasyona lêgerînê bi giranî li derdora girtîgha çeteyên DAIŞ’ê tê kirin û got, şaneyên veşartî hewl didin çeteyan birevînin û aloziyan derbixin. Berdevkê QSD’ê banga tevkariyê li şêniyên Hesekê kir.
Hêzên Sûriyeya Demokratîk (QSD), Yekîneyên Parastina Jin (YPJ), Hêzên Ewlekariya Hundirîn bi beşdariya Tîmên Operasyonên Leşkerî (TOL) vê sibehê li dijî şaneyên veşartî yên DAIŞ’ê operasyonek lêgerînê li bajarê Hesekê da destpêkirin. Operasyona ku bi armanca girtina şaneyên veşartî yên DAIŞ’ê, têkbirina jêderên wan ên lojîsîk û bêbandorkirina planên wan ên pêkanîna êrişan li ser girtîgeh û navendên ragirtina çeteyên DAIŞ’ê hatiye destpêkirin, dewam dike.
Têkildarî mijarê Berdevkê QSD’ê Ebjer Dawid ji ajansa me re axivî û got ku di çarçoveya xebatên hêzên QSD’ê ya têkoşîna li dijî terorê û şaneyên wê yên veşartî de erka xwe ya parastinê pêk tînin.
Dawid, diyar kir ku hêzên wan ewlehî û aramiya welatiyan diparêzin û rê li ber tevliheviyan digrin û got, ev bi têkoşîna li dijî şaneyên DAIŞ’ê û kesên bi guman ên bi wan re di nav hevkariyê de ne pêk tê.
Ebjer Dawid di berdewama axaftina xwe de da zanîn kir ku hêzên wan heta niha hejmarek kesên bi guman û miqdarek çek û cebilxaneyên şaneyên veşartî li dijî sivîlan û ji bo derxistina tevliheviyê bikar tanîn, destserkirine.
Dawid, diyar kir ku opersyona wan di çarçoveya xebatên parastina ewlehî û aramiya bajarê Hesekê de pêk hatiye. Beriya wê jî xebatên şopandin û tesbîtkirina şaneyan, pêk anîne.
Dawid, li ser navendên sereke yên operasyonê agahî dan û destnîşan kir ku xebatên wan li derodora girtîgeha DAIŞ’ê (Girtîeha Sîna ya li taxa Xwêran) pêk hatiye û got: “Bi vê gavê hêzên me derdora girtîgehê paqij kirin.
Çeteyan li wir hewl didan teroristên ji girtîgehê derbixin. Şaneyên DAIŞ’ê berdewam hewl didin tevliheviyê di herêmê de derbixin. Ev bi êrişan pêk tînin, lê hêzên me her dem êrişên wan vala derxistine. Parastina ewlehî û aramiya sivîlan kirine.”
Berdevkê QSD’ê Ebjer Dawid di berdewama axaftina xwe de bang li şêniyên Hesekê kir ku bi hêzên wan re di nava hevkariyê de bin, her wiha bang li hêzên cîhanî jî kir ku ji bo tunekirina terorstan û parastina ewlekariyê alîkariyê bikin.
Dawid, tekoşîn û têkbirina çeteyên DAIŞ’ê li ser xaknîgariyeke mezin bi bî xist û destnîşan kir ku niha jî xebatên wan ji bo tunekirina şane, kesayet û dawîkirina fikrê terorê bê navber didome.
Ebjer Dawid di dawiya xaftina xwe de soza parastina ewlehî û aramiyê da gelên Bakur û Rojhilatê Sûriyê û got ku ew ê jiyana bi rumet ji gelê herêmê re misoger bikin.
Navenda Ragihandinê ya QSD’ê ragihand ku heta niha li Hesekê di çarçoveya operesyonê de 39 endamên şaneyên DAIŞ’ê hatine girtin, gelek çek û cebilxane jî hatine destserkirin.
