Li Norwecê hilbijartinên gitşî pêk hatin û li gor daneyên dawî Partiya Karkeran bi ser ket.
Bloka çepgir a navendî, her çend bi rêjeyek biçûkbe jî, serkeftinek zelal bi dest xist.
Li Norveçê hilbijartin pêkhatin û nêzîkî 4.3 milyon hilbijêr çûn ser sindoqan da ku 169 kursiyên parlementoyê diyar bikin.
Bloka çepgir a navendî li Norveçê, tevî nîşandana xurt a Partiya Pêşketinê ya dijî koçberan, desthilatdariya xwe parast.
Serokê Partiya Karker a Norveçê û Serokwezîrê wê Jonas Gahr Store di hilbijartinên giştî yên welêt de serkeftina xwe ragihand.
Bloka çepgir a navendî, her çend bi rêjeyek biçûkbe jî, serkeftinek zelal bi dest xist.
Bi jimartina piraniya dengan, bloka çepgir a ji çar partiyan pêk tê, ji benda piraniya 85 kursiyan derbas bûye û gihîştiye 89 kursiyan.
Tifaqa rastgir a navendî bi serokatiya Partiya Pêşketinê û Muhafazekar niha xwediyê 80 kursiyan e.
Store dibêje encam nîşan dide ku partiyên sosyal demokrat dikarin hilbijartinan bi ser bixin tevî bilindbûna partiyên rastgir li Ewropayê jî.
Partiya Pêşketinê, ku bi helwesta xwe ya dijî koçberan tê nasîn, di rêza duyemîn de cih girt, ev encama herî baş a dîroka xwe ye.
Seroka partiya Pêşketinê Sylvi Listhaug, got ew ji encamê kêfxweş e lê çar salên pêşiya me dê ji bo hemwalatiyên me û karsazan dijwar be.
Di heman demê de Partî bi kampanyayeke zindî ya medyaya civakî ya ku ji hêla kesên bi bandor ve tê birêvebirin, piştgirî girt lê ser neket.
Seroka Partiya Muhafezekar Erna Solberg piştî ku partiya wê di parlamentoyê de daket rêza sêyemîn, ji hilbijêran lêborîn xwest.
Koalîsyon ji bo kabîneya nû danûstandinan dikin
Her wiha danûstandinên koalîsyonê destpê kiriye ji bo wezîrên sereke erkdar bikin.
Li gorî kevneşopiyê, piştî li hevkirina koalisyonê Qiral Harald wê erka destpêkirina hikûmeta diyar bike.
Partiya Karker parastina baca dewlemendiyê, ku ji sala 1892’yan vir ve kevirê bingehîn ê siyaseta Norveçê ye, kiriye hedefa kampanyaya xwe.
Hêjayî gotinê ye ku Norveç ji kesên ku serwetê wan ji 1.76 milyon kron zêdetir in, bacekê heta ji sedî 1.1 distîne.
Serokwezîr Jonas Gahr Store piştî dengdanê got:
“Ez difikirim ku ew tiştekî adilaneye ku mirovên dewlemend baca xwe bidin, ew partiyên rastgir bûn ku dixwestin wê bi tevahî ji holê rakin, ew bac ji sedî 1’ê nifûsê sûdmend dike.”
